Jammu Kashmir जम्मू-काश्मीर विधानसभेसाठी भाजपकडून राम माधव, जी.किशन रेड्डींवर विशेष जबाबदारी!

Jammu Kashmir : जम्मू-काश्मीर विधानसभेसाठी भाजपकडून राम माधव, जी.किशन रेड्डींवर विशेष जबाबदारी!

राज्यात कमळ फुलवण्याची भाजपने कसली कंबर

विशेष प्रतिनिधी

नवी दिल्ली : जम्मू-काश्मीरमध्ये Jammu Kashmir 10 वर्षांनंतर निवडणुकीच्या तारखा जाहीर झाल्यानंतर राजकीय पक्षांनी संपूर्ण ताकदीनिशी निवडणूक प्रचाराची तयारी सुरू केली आहे. प्रादेशिक पक्षांपासून ते राष्ट्रीय पक्षांपर्यंत सर्वांमध्ये एक वेगळाच उत्साह आहे.

दरम्यान, पक्षांतराच्या परिस्थितीबरोबरच राजकीय पक्षही त्यांच्या संघटनेच्या ताकदीवर लक्ष केंद्रित करत आहेत. या क्रमाने भाजपने पक्षाचे राष्ट्रीय सरचिटणीस राम माधव आणि केंद्रीय मंत्री जी किशन रेड्डी या दोन दिग्गज नेत्यांना मोठी जबाबदारी दिली आहे.

संतप्त पालकांनी शाळा फोडली; पोलिसांवर दगडफेक; बदलापूर अत्याचार प्रकरणाच्या चौकशीसाठी SIT गठीत!!

जम्मू-काश्मीरमधील निवडणुकांच्या घोषणेनंतर भाजपने पक्षाचे माजी सरचिटणीस राम माधव आणि केंद्रीय मंत्री जी किशन रेड्डी यांची निवडणूक प्रभारी म्हणून नियुक्ती केली आहे. भाजप अध्यक्ष जेपी नड्डा यांनी मंगळवारी ही घोषणा केली. त्यांनी तत्काळ प्रभावाने दोन्ही नेत्यांची नियुक्ती केली.

निवडणूक आयोगाने जम्मू-काश्मीर केंद्रशासित प्रदेशात तीन टप्प्यात निवडणुका घेण्याचा निर्णय घेतला आहे. 18 सप्टेंबरला मतदानाला सुरुवात होणार असून शेवटच्या टप्प्यातील मतदान 1 ऑक्टोबरला होणार आहे.