जम्मू काश्मीर : पुंछमध्ये दहशतवाद्यांचा मोठा कट फसला, 7 आयईडी आणि वायरलेस सेट जप्त|Jammu and Kashmir Major terrorist plot foiled in Poonch 7 IEDs and wireless sets seized

जम्मू काश्मीर : पुंछमध्ये दहशतवाद्यांचा मोठा कट फसला, 7 आयईडी आणि वायरलेस सेट जप्त

सुरक्षा दलांनी रविवारी संयुक्त शोध मोहीम राबवली.

विशेष प्रतिनिधी

जम्मू काश्मीर: सुरक्षा दलांनी रविवारी जम्मू-काश्मीरमधील पुंछ जिल्ह्यात दहशतवाद्यांचा मोठा कट उधळून लावला. येथे शोध मोहिमेदरम्यान सुरक्षा दलांनी सात आयईडी आणि एक वायरलेस सेट जप्त केला आहे. दहशतवादी या आयईडी आणि वायरलेस सेटचा वापर करून काश्मीर खोऱ्यात मोठा दहशतवादी कट रचण्याच्या तयारीत होते, अशी माहिती आहे.Jammu and Kashmir Major terrorist plot foiled in Poonch 7 IEDs and wireless sets seized

जम्मू काश्मीरमध्ये अब्दुल्लांचा INDI आघाडीला तगडा झटका, मेहबूबा मुफ्तींशी संबंध तोडले!!

प्राप्त माहितीनुसार, सुरक्षा दलांनी रविवारी संयुक्त शोध मोहीम राबवली. यावेळी, सुरक्षा दलांनी पूंछ जिल्ह्यातील सुरनकोट भागातील दारा सांगला येथे शोध मोहीम राबवली असता त्यांना तेथे 7 आयईडी आणि एक वायरलेस सेट सापडला. अधिका-यांचे म्हणणे आहे की प्राथमिक तपासात असे दिसून आले आहे की दोन दशकांपूर्वी या भागात कार्यरत असलेल्या दहशतवाद्यांनी या लपण्याचे ठिकाण वापरले होते.

याआधी शनिवारी सुरक्षा दलांनी उत्तर काश्मीरमधील बारामुल्ला जिल्ह्यातील सोपोरमध्ये दहशतवाद्यांचे अड्डे उद्ध्वस्त केले. येथून शस्त्रास्त्रे आणि दारूगोळा जप्त करण्यात आला आहे. स्मशानभूमीत दहशतवाद्यांचे अड्डे बनवण्यात आले होते.

अधिकृत सूत्रांनी दिलेल्या माहितीनुसार, जम्मू-काश्मीर पोलीस आणि लष्कराच्या 22 राष्ट्रीय रायफल्सच्या जवानांनी बोमाई सोपोरच्या लोगरीपोरा गावात शोध मोहीम राबवली. यावेळी एका स्मशानभूमीत भूमिगत दहशतवादी अड्डे सापडले. येथून एक पिस्तूल, 2 मॅगझिन, 2 पाऊच, काही जिवंत काडतुसे आणि इतर शस्त्रे व दारूगोळा जप्त करण्यात आला आहे. पोलिसांनी शस्त्रे आणि दारूगोळा जप्त केला आहे. याप्रकरणी गुन्हा दाखल करण्यात आला असून तपास सुरू करण्यात आल्याचे पोलिसांनी सांगितले.