Jammu and Kashmir : पंतप्रधान मोदी, अमित शाहांसह 40 नेते जम्मू-काश्मीरच्या स्टार प्रचारकांमध्ये!

By, Pravin Wankhade - August 27, 2024 09:30:16

0

पाहा भाजपची स्टार प्रचारकांची संपूर्ण यादी

विशेष प्रतिनिधी

नवी दिल्ली: Jammu and Kashmir जम्मू-काश्मीर विधानसभा निवडणुकीच्या पहिल्या टप्प्यासाठी भाजपने स्टार प्रचारकांची यादी जाहीर केली आहे. या यादीत 40 नेत्यांचा समावेश करण्यात आला आहे. या यादीत पंतप्रधान नरेंद्र मोदी, गृहमंत्री अमित शहा, भाजपचे राष्ट्रीय अध्यक्ष जेपी नड्डा, उत्तर प्रदेशचे मुख्यमंत्री योगी आदित्यनाथ, संरक्षण मंत्री राजनाथ सिंह आणि रस्ते आणि वाहतूक मंत्री नितीन गडकरी यांसारख्या बड्या नेत्यांचा समावेश आहे.

अनेक केंद्रीय मंत्री, माजी केंद्रीय मंत्री आणि भाजपशासित राज्यांच्या काही मुख्यमंत्र्यांचाही या यादीत समावेश आहे. या यादीत केंद्रीय मंत्री मनोहर लाल खट्टर, जी किशन रेड्डी, शिवराज सिंह चौहान आणि डॉ जितेंद्र सिंह यांचा समावेश आहे. यासोबतच भजनलाल शर्मा, राम माधव, तरुण चुघ, अनुराग ठाकूर, आशिष सूद, जुगल किशोर शर्मा, गुलाम अली खटाना, जयराम ठाकूर, निवृत्त जनरल व्हीके सिंह, स्मृती इराणी यांच्या नावांचाही या यादीत समावेश आहे.

काँग्रेस पक्षाचे ज्येष्ठ नेते, नांदेडचे खासदार वसंत चव्हाण यांचे दुःखद निधन; हैदराबादेतील रुग्णालयात सुरू होते उपचार

यासोबतच या यादीत रवींद्र रैना, अशोक कौल, डॉ. निर्मल सिंग, कविंदर गुप्ता, सुनील शर्मा, देवेंद्र सिंग रैना, सुखनंदन चौधरी, श्याम लाल शर्मा, त्रिलोक जामवाल, अरुण प्रभात सिंग, नीलम लंघे, सरदार रणजोध सिंग नलवा, यांचा समावेश आहे. सरदार सरबजीत सिंग जोहल, संगीता भगत, हाजी जावेद जरगर, सोफी युसूफ, मोहम्मद अन्वर खान आणि संजीता डोगरा यांचा समावेश आहे. भाजपच्या स्टार प्रचारकांच्या यादीत जम्मू-काश्मीरमधील नेत्यांचाही समावेश करण्यात आला आहे.

जम्मू-काश्मीरच्या 90 सदस्यीय विधानसभेसाठी 18 सप्टेंबर, 25 सप्टेंबर आणि 1 ऑक्टोबरला तीन टप्प्यांत मतदान होणार आहे. 4 ऑक्टोबर रोजी मतमोजणी होणार आहे.