Netanyahu : इस्रायलने युद्धबंदीवर मौन सोडले, नेतन्याहू म्हणाले इराणने आता जर उल्लंघन केले, तर…

By, Pravin Wankhade - June 24, 2025 09:00:27

0

इस्रायली नागरिकांनी युद्धबंदीचे पूर्णपणे पालन होईपर्यंत आयडीएफ होम फ्रंट कमांडच्या सूचनांचे पालन करत राहावे, असंही सांगितले.

विशेष प्रतिनिधी

नवी दिल्ली -Netanyahu इस्रायलने अखेर इराणसोबत युद्धबंदीवर मौन सोडले आहे. इस्रायलने युद्धबंदीवर सहमती दर्शविली आहे. यासोबतच, इस्रायलचे पंतप्रधान बेंजामिन नेतन्याहू यांनीही आज देशाला संदेश देण्याची घोषणा केली आहे. इस्रायलच्या पंतप्रधान कार्यालयाने एक निवेदन जारी केले आहे ज्यामध्ये असे म्हटले आहे की इस्रायली सैन्याने त्यांचे सर्व उद्दिष्टे साध्य केली आहेत.Netanyahu

इराणमध्ये केलेल्या लष्करी कारवाईची उद्दिष्टे साध्य झाल्याच्या दृष्टीने, आम्ही युद्धबंदीवर सहमत आहोत. आम्ही अमेरिकेचे राष्ट्राध्यक्ष ट्रम्प यांच्याशी सहमती दर्शवत युद्धबंदी प्रस्ताव स्वीकारतो. मात्र याचबरोबर इस्रायलने असा इशाराही दिला आहे की इस्रायलने युद्धबंदीचे कोणतेही उल्लंघन केल्यास त्याला पूर्ण ताकदीने उत्तर दिले जाईल.

नागपूरकरांची स्वप्नपूर्ती; आर्थिक दुर्बल‌ घटकांना 480 घरे वाटप; महाराष्ट्र बेघरमुक्त करण्याच्या दिशेने मार्गक्रमण

इस्रायली सरकारने एक निवेदन जारी केले आहे की, इस्रायली नागरिकांनी युद्धबंदीचे पूर्णपणे पालन होईपर्यंत आयडीएफ होम फ्रंट कमांडच्या सूचनांचे पालन करत राहावे. ऑपरेशन रायझिंग लायन चालवून इस्रायलने ऐतिहासिक कामगिरी केली आहे. गेल्या काही दिवसांत, आयडीएफने इराणची राजधानी तेहरानमधील लक्ष्यांवर हल्ले केले आहेत. एका वरिष्ठ अणुशास्त्रज्ञासह १८ अणुशास्त्रज्ञ ठार झाले आहेत.

इस्रायलला पाठिंबा दिल्याबद्दल आणि इराणी अणु धोक्यावर मात करण्यास मदत केल्याबद्दल इस्रायली सरकार अमेरिकेचे अध्यक्ष ट्रम्प यांचे आभार मानते. पंतप्रधान बेंजामिन नेतान्याहू यांनी काल रात्री सुरक्षा मंत्रिमंडळाची बैठक बोलावली, ज्यामध्ये संरक्षण मंत्री, आयडीएफचे प्रमुख आणि मोसादचे संचालक यांचा समावेश होता.