तामिळनाडूतून ISIS दहशतवाद्याला NIA कडून अटक; केरळची धार्मिक स्थळे आणि नेत्यांवर हल्ल्याचा होता कट|ISIS terrorist arrested by NIA from Tamil Nadu; There was a plot to attack religious places and leaders of Kerala

तामिळनाडूतून ISIS दहशतवाद्याला NIA कडून अटक; केरळची धार्मिक स्थळे आणि नेत्यांवर हल्ल्याचा होता कट

वृत्तसंस्था

नवी दिल्ली : राष्ट्रीय तपास संस्थेने (एनआयए) गुरुवारी तामिळनाडूतून ISISच्या एका दहशतवाद्याला अटक केली. एनआयएच्या प्रवक्त्याने सांगितले की, केरळमधील धार्मिक स्थळे आणि काही समुदायांच्या नेत्यांवर हल्ला करण्याचा त्यांचा डाव होता.ISIS terrorist arrested by NIA from Tamil Nadu; There was a plot to attack religious places and leaders of Kerala

एनआयएकडून माहिती मिळाल्यानंतर राज्य पोलिसांनी केरळमध्ये 4 ठिकाणी छापे टाकले. एनआयएच्या प्रवक्त्याने सांगितले की, ISIS मॉड्यूलचा भंडाफोड करण्यासाठी त्रिशूरमधील तीन आणि पलक्कडमधील एका ठिकाणी छापे टाकण्यात आले. मॉड्यूलमधील माणसे टोही मोहीम राबवत होते आणि दहशतवादी हल्ल्यांचे नियोजन करत होते.

पंतप्रधान मोदींनी संसदेत स्थापित केलेल्या राजदंडाच्या 5 ऐतिहासिक रोचक बाबी

तत्पूर्वी, मंगळवारीदेखील एनआयएने आशिफ उर्फ मैथिल अकाथ कोडायल अश्रफ या आरोपींपैकी एकाचा माग काढला आणि तामिळनाडूतील सत्यमंगलमजवळील त्याच्या लपून बसलेल्या ठिकाणाहून त्याला अटक केली.

दुसर्‍या दिवशी (19 जुलै), आशिफ तसेच सय्यद नबील अहमद, थ्रिसूरचे शिया टीएस आणि पलक्कड येथील रईस यांच्या घरांची झडती घेण्यात आली, डिजिटल उपकरणे आणि संशयास्पद कागदपत्रे जप्त करण्यात आली.

दहशतवादी हल्ल्यांसाठी पैसे गोळा करत होते

अटक करण्यात आलेला आरोपी आशिफ आयएसआयएसच्या कारवायांना प्रोत्साहन देणे, दहशतवादी हल्ल्यांसाठी दरोडा आणि इतर गुन्हेगारी कारवाया करून पैसे गोळा करण्यात गुंतला होता.

एनआयएने सांगितले की त्यांनी केरळमधील काही समुदायांची प्रार्थनास्थळे, नेत्यांची आणि काही प्रमुख ठिकाणांची रेकी केली होती. राज्यात दहशत पसरवणे आणि जातीय संघर्ष निर्माण करणे हा त्यांचा उद्देश होता.