जहाज बुडाल्यावर उंदीर पडतात त्याप्रमाणे पश्चिम बंगालमधील अनेक उपरे भाजपा कार्यकर्ते पुन्हा तृणमूल कॉँग्रेसमध्ये प्रवेश करत आहेत. मात्र, तृणमूल कॉँग्रेसकडून त्यांना अमानुष वागणूक दिली जात आहे. अशाच प्रकारे भाजपातून तृणमूलमध्ये जाणाºया दीडशे कार्यकर्त्यांचे बीरभूम जिल्ह्यात यथासांग शुध्दीकरण करण्यात आले. मुंडण करून त्यांच्यावर सॅनीटायझरही शिंपडण्यात आले.Inhuman treatment , shaving and sanitization of BJP workers while entering Trinamool Congress, purification by spraying sanitizer
विशेष प्रतिनिधी
कोलकत्ता : जहाज बुडाल्यावर उंदीर पडतात त्याप्रमाणे पश्चिम बंगालमधील अनेक उपरे भाजपा कार्यकर्ते पुन्हा तृणमूल कॉँग्रेसमध्ये प्रवेश करत आहेत. मात्र, तृणमूल कॉँग्रेसकडून त्यांना अमानुष वागणूक दिली जात आहे.अशाच प्रकारे भाजपातून तृणमूलमध्ये जाणाºया दीडशे कार्यकर्त्यांचे बीरभूम जिल्ह्यात यथासांग शुध्दीकरण करण्यात आले. मुंडण करून त्यांच्यावर सॅनीटायझरही शिंपडण्यात आले.
बीरभूम जिल्ह्यातील लामबाजार विभागात हा प्रकार घडला. येथील स्थानिक तृणूमल कॉँग्रेसच्या नेत्याच्या म्हणण्यानुसार या कार्यकर्त्यांमध्ये भाजपा नावाच्या व्हायरसचा प्रवेश झाला होता. त्यामुळे सॅनीटायझर शिंपडून हा व्हायरस मारण्यात आला.
या घटनेचा व्हिडीओही व्हायरल झाला आहे. त्यामध्ये दिसत आहे की भाजपामधून तृणमूलमध्ये प्रवेश केलेले कार्यकर्ते रांगेत चालत आहेत. तृणमूल कॉँग्रेसचे कार्यकर्ते सॅनीटायझर मशीन घेऊन त्यांच्यावर फवारे उडवत आहेत.
यापूर्वी हुगळी जिल्ह्यात भाजपाच्या दोनशे कार्यकर्त्यांनी तृणमूलमध्ये प्रवेश केला होता. त्यांचे मुंडन करण्यात आले होते. त्याचबरोबर गंगाजल शिंपडून त्यांचे शुध्दीकरणही करण्यात आले. त्यांच्याकडून वदवून घेण्यात आले की आम्ही भाजपामध्ये प्रवेश केला ही मोठी चूक होती. त्यामुळेच या चुकीचे प्रायाश्चित त्यांचे मुंडण करून देण्यात आले.
तृणमूल कॉँग्रेसकडून कार्यकर्त्यांना दिल्या जाणाºया या अमानुष वागणुकीचा सर्वत्र निषेध होत आहे. देशातील अस्पृश्यता प्रथा बंद झाली. मात्र, तरीही तृणमूल शुध्दीकरणासारख्या गोष्टींवर विश्वास ठेवत असल्याबाबत संताप व्यक्त होत आहे.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App