होळीपूर्वी सर्वसामान्यांना महागाईचा झटका, घरगुती आणि व्यावसायिक एलपीजी सिलिंडर झाले महाग

By, Pravin Wankhade - March 1, 2023 09:13:49

0

प्रतिनिधी

नवी दिल्ली : होळीपूर्वी आणि निवडणुकीनंतर लगेचच सर्वसामान्यांना महागाईचा मोठा धक्का बसला आहे. घरगुती एलपीजी सिलिंडरचे दर आजपासून महाग झाले असून तुम्हाला घरगुती एलपीजी सिलिंडर 50 रुपयांनी महाग होणार आहे. आजपासून दिल्लीत घरगुती एलपीजी सिलिंडर 1103 रुपये प्रति सिलेंडर दराने उपलब्ध होणार आहे. त्याची पूर्वीची किंमत 1053 रुपये प्रति सिलेंडर होती.Inflation hit common man before Holi, domestic and commercial LPG cylinders became expensive

19 किलोचे व्यावसायिक सिलिंडरही महागले

व्यावसायिक एलपीजी सिलिंडरच्या किंमतीतही वाढ झाली असून त्याची किंमत तब्बल 350.50 रुपयांनी वाढली आहे. 350.50 रुपयांनी महागल्यानंतर राजधानी दिल्लीत व्यावसायिक गॅस सिलेंडरची किंमत 2119.50 रुपये प्रति सिलेंडरवर आली आहे.

केंद्रीय कर्मचाऱ्यांचा खिसा मोदी सरकारकडून गरम; 47 लाख कर्मचारी, 68 लाख पेन्शनधारकांना फायदा!!

19 kg Commercial LPG cylinder prices increased by Rs 350.50 With this increase 19 kg commercial cylinder will cost Rs 2119.50 in Delhi. New rates are effective from today: Sources

— ANI (@ANI) March 1, 2023

चार महानगरांमध्ये घरगुती एलपीजी सिलिंडरच्या नवीन किमती

दिल्लीत घरगुती एलपीजीची किंमत 1053 रुपयांवरून 1103 रुपयांपर्यंत वाढली आहे. मुंबईत घरगुती एलपीजीची किंमत 1052.50 रुपयांवरून 1102.50 रुपये प्रति सिलेंडरवर पोहोचली आहे. कोलकातामध्ये घरगुती एलपीजीची किंमत 1079 रुपयांवरून 1129 रुपयांपर्यंत वाढली आहे. चेन्नईमध्ये घरगुती एलपीजीची किंमत 1068.50 रुपयांवरून 118.50 रुपयांपर्यंत वाढली आहे.

चार महानगरांमध्ये व्यावसायिक एलपीजी सिलिंडरच्या नवीन किमती

दिल्लीत व्यावसायिक एलपीजीची किंमत 1769 रुपयांवरून 2119.50 रुपये झाली आहे. मुंबईत व्यावसायिक एलपीजीची किंमत 1721 रुपयांवरून 2071.50 रुपये प्रति सिलिंडर झाली आहे. कोलकातामध्ये व्यावसायिक एलपीजीची किंमत 1869 रुपयांवरून 2219.50 रुपयांपर्यंत वाढली आहे. चेन्नईमध्ये व्यावसायिक एलपीजीची किंमत 1917 रुपयांवरून 2267.50 रुपयांपर्यंत वाढली आहे.

8 महिन्यांनंतर घरगुती सिलिंडरच्या किमती वाढल्या

8 महिन्यांनंतर घरगुती सिलिंडरच्या किमती वाढल्या असून याआधी 1 जुलै रोजी घरगुती सिलिंडरच्या किमतीत वाढ झाली होती. त्यामुळे गेल्या वेळी जुलैमध्येच घरगुती गॅस सिलिंडरच्या दरात वाढ करण्यात आली होती आणि त्यानंतर व्यावसायिक गॅस सिलिंडरच्या दरात वाढ झाली असली तरी घरांमध्ये वापरल्या जाणाऱ्या स्वयंपाकाच्या गॅसच्या किमतीत वाढ करण्यात आली नव्हती.