IndiGo : इंडिगोचे विमानभाडे वाढले; देशांतर्गत ₹950 तर आंतरराष्ट्रीय ₹10,000 पर्यंत वाढ

By, Pravin Wankhade - April 2, 2026 10:00:54

0

वृत्तसंस्था

नवी दिल्ली : IndiGo देशातील सर्वात मोठ्या एअरलाईन्सपैकी एक असलेल्या IndiGo ने प्रवाशांना पुन्हा एकदा महागाईचा धक्का दिला आहे. कंपनीने गुरुवारपासून विमान तिकिटांच्या दरात वाढ जाहीर केली असून, देशांतर्गत उड्डाणांसाठी ₹950 पर्यंत आणि आंतरराष्ट्रीय उड्डाणांसाठी ₹10,000 पर्यंत अतिरिक्त इंधन शुल्क आकारले जाणार आहे. हे नवीन दर 2 एप्रिलच्या मध्यरात्री 12:01 पासून लागू झाले आहेत.IndiGo

गेल्या अवघ्या 18 दिवसांत इंडिगोकडून भाडेवाढीचा हा दुसरा निर्णय आहे. यापूर्वी 14 मार्च रोजीही कंपनीने तिकिटांचे दर वाढवले होते, त्यामुळे प्रवाशांमध्ये नाराजी व्यक्त होत आहे.IndiGo

इंधन दरवाढीचा थेट परिणाम

कंपनीने दिलेल्या माहितीनुसार, एव्हिएशन टर्बाइन फ्यूल (ATF) म्हणजेच जेट इंधनाच्या किमतीत मोठी वाढ झाल्याने हा निर्णय घ्यावा लागला. International Air Transport Association (IATA) च्या आकडेवारीनुसार, मागील एका महिन्यात इंधनाच्या किमतींमध्ये 130% पेक्षा जास्त वाढ झाली आहे.IndiGo

महाराष्ट्रात नदी पुनरुज्जीवन प्राधिकरण स्थापन; फडणवीस मंत्रिमंडळाचा निर्णय

अंतरानुसार इंधन शुल्क आकारणी

इंडिगोने स्पष्ट केले आहे की, इंधन शुल्क आता प्रवासाच्या अंतरानुसार ठरवले जाईल. म्हणजेच, प्रवास जितका लांब तितके इंधन शुल्क जास्त भरावे लागणार आहे. कंपनीने या शुल्काचे “री-कॅलिब्रेशन” केल्याचे सांगितले आहे.

सरकारची मर्यादा, पण खर्च वाढतोय

Ministry of Civil Aviation ने एअरलाईन्सना पूर्ण भार प्रवाशांवर टाकण्यास मर्यादा घातली आहे. सध्या देशांतर्गत भाड्यावर जास्तीत जास्त 25% वाढ करण्याचीच परवानगी आहे. तरीही इंधन दरवाढीमुळे कंपन्यांवर आर्थिक ताण वाढत आहे.

ATF वर अतिरिक्त करामुळे दबाव

दरम्यान, राज्यसभेत नुकताच एटीएफवर अतिरिक्त उत्पादन शुल्क लावण्याचा प्रस्ताव मंजूर झाला आहे. या निर्णयानुसार आता विमान इंधनावर प्रति लिटर ₹50 अतिरिक्त कर आकारला जाणार आहे. त्यामुळे एअरलाईन्सचा खर्च आणखी वाढण्याची शक्यता आहे.

एअरलाईन्सच्या खर्चात इंधनाचा मोठा वाटा

एअरलाईन्ससाठी जेट-फ्यूल हा सर्वात मोठा खर्च मानला जातो. एकूण ऑपरेटिंग खर्चात त्याचा वाटा साधारण 30% ते 40% इतका असतो. त्यामुळे इंधनाच्या किमतीत होणारी वाढ थेट तिकिटांच्या दरावर परिणाम करते.

जागतिक स्तरावरही याचा परिणाम दिसत असून Air New Zealand आणि Qantas सारख्या मोठ्या एअरलाईन्सनीदेखील वाढलेल्या खर्चाचा भार प्रवाशांवर टाकण्याचे संकेत दिले आहेत.