Indian Army : पाकिस्तानमधील विध्वंसाचा आणखी एक व्हिडिओ भारतीय लष्कराने केला जारी

By, Pravin Wankhade - May 19, 2025 07:30:03

0

लष्कराने ५३ सेकंदांच्या व्हिडिओमध्ये सैन्याच्या धाडसाची, रणनीतीची आणि प्रत्युत्तराची झलक दाखवली आहे

विशेष प्रतिनिधी

नवी दिल्ली : Indian Army भारतीय सैन्याचे शौर्य आणि पराक्रम पुन्हा एकदा संपूर्ण जगासमोर आले आहे. वेस्टर्न कमांडने जारी केलेल्या ताज्या व्हिडिओमध्ये, भारतीय सैनिक पाकिस्तानकडून होणाऱ्या ड्रोन आणि क्षेपणास्त्र हल्ल्यांना चोख प्रत्युत्तर देताना दिसत आहेत. ऑपरेशन सिंदूर अंतर्गत, लष्कराने हे सिद्ध केले आहे की भारत केवळ आपल्या सीमांचे रक्षणच करू शकत नाही तर गरज पडल्यास शत्रूंना त्यांच्याच हद्दीत घुसून प्रत्युत्तर देखील देऊ शकतो.Indian Army

लष्कराने ५३ सेकंदांच्या व्हिडिओमध्ये सैन्याच्या धाडसाची, रणनीतीची आणि प्रत्युत्तराची झलक दाखवली आहे. यामध्ये दिसत आहे की, भारतीय सैन्य केवळ शत्रूचे ड्रोन हल्ले हाणून पाडत नाही तर त्यांच्या चौक्या आणि दहशतवाद्यांचे अड्डेही नष्ट करत आहे. व्हिडिओमधील मोठ्या प्रमाणात स्फोट आणि आगीच्या गोळ्यांचे आवाज आपल्याला दर्शवतात की पाकिस्ताने केलेल्या कोणत्याही कुरापतीचे काय परिणाम होतील.

Eknath Shinde पंतप्रधानांनी दहशतवादाचा चेहरा जगासमोर आणला, एकनाथ शिंदे यांनी केले कौतुक

#StrongAndCapable #OpSindoor #LayeredDefence

" From the ground, we protected the Skys”#JusticeServed @adgpi @prodefencechan1 pic.twitter.com/oiZuVKpBem

— Western Command – Indian Army (@westerncomd_IA) May 19, 2025

भारतीय सैन्याने या व्हिडिओद्वारे असा संदेशही दिला आहे की, “आम्ही जमिनीपासून आकाशापर्यंत सुरक्षा प्रदान करणार आहोत. शत्रूंना धुळीत मिसळले आहे.” हे फक्त एक विधान नाही तर लष्कराच्या कारवाईचा पुरावा आहे. यापूर्वी १८ मे रोजी देखील लष्कराने ऑपरेशन सिंदूरचा एक व्हिडिओ जारी केला होता, ज्यामध्ये पाकिस्तानच्या क्षेपणास्त्र हल्ल्याला प्रभावी प्रत्युत्तर देण्यात आले होते.