Rafale maritime : भारत फ्रान्सकडून २६ राफेल सागरी लढाऊ विमाने खरेदी करणार

By, Pravin Wankhade - April 9, 2025 07:00:50

0

नौदलासाठी ६३ हजार कोटी रुपयांचा करार अंतिम झाला.

विशेष प्रतिनिधी

नवी दिल्ली : Rafale maritime भारताने फ्रान्सकडून २६ राफेल सागरी लढाऊ विमाने खरेदी करण्याच्या मेगा डीलला मान्यता दिली आहे. ६३,००० कोटी रुपयांपेक्षा जास्त किमतीच्या या करारावर लवकरच स्वाक्षरी केला जाईल. या करारानुसार, भारतीय नौदलाला २२ सिंगल-सीटर आणि चार ट्विन-सीटर विमाने मिळतील. सरकारी सूत्रांचा हवाला देऊन एएनआय या वृत्तसंस्थेने हा दावा केला आहे.Rafale maritime

सूत्रांनी दिलेल्या माहितीनुसार, पंतप्रधानांच्या नेतृत्वाखालील सुरक्षा विषयक कॅबिनेट समिती (CCS) कडून मंजुरी मिळाल्यानंतर फ्रान्सकडून २६ राफेल एम लढाऊ विमाने खरेदी करण्याचा प्रस्तावित करार या महिन्यात अंतिम होण्याची शक्यता आहे.

फडणवीस सरकारवर विश्वास, ही विरोधकांपेक्षा मराठी माध्यमांच्या तोंडावर चपराक!!

करारावर स्वाक्षरी झाल्यानंतर सुमारे पाच वर्षांनी राफेल एम विमानांची डिलिव्हरी सुरू होण्याची अपेक्षा आहे. विमानाची डिलिव्हरी २०२९ च्या अखेरीस सुरू होईल. भारताला २०३१ पर्यंत संपूर्ण खेप मिळेल. ही रायफल-एम विमाने आयएनएस विक्रांत आणि आयएनएस विक्रमादित्य सारख्या विमानवाहू जहाजांवरून चालवली जातील. दोन्ही नौदल जहाजे जुन्या झालेल्या मिग २९के लढाऊ विमानांसह त्यांचे कार्य पार पाडतात.