Shrikant Shinde : भारताने पाकिस्तानचा खोटेपणा मुस्लिम देशांसमोर केला उघड – श्रीकांत शिंदे

By, Pravin Wankhade - June 5, 2025 06:30:36

0

यूएई आणि पश्चिम आफ्रिकन देशांमध्ये बहुपक्षीय शिष्टमंडळाचे नेतृत्व श्रीकांत शिंदेंनी केले. Shrikant Shinde

विशेष प्रतिनिधी

नवी दिल्ली : ओआयसीच्या सदस्य देशांमध्ये पाकिस्तानचा खोटारडेपण उघड झाला. ऑपरेशन सिंदूरनंतर भारताने खासदार श्रीकांत शिंदे यांच्या नेतृत्वाखाली ‘मिशन पाक एक्सपोज’ अंतर्गत सर्वपक्षीय खासदारांचे एक पथक परदेश दौऱ्यावर पाठवले होते. Shrikant Shinde

शिवसेना खासदार श्रीकांत शिंदे यांनी आता पाकिस्तानच्या कुरापतींची माहिती सर्वांसमोर मांडली आहे. ते म्हणाले, ऑपरेशन सिंदूरद्वारे पाकिस्तानी अजेंडा उघड करण्यात भारताला यश आले आहे. विशेषतः ऑर्गनायझेशन ऑफ इस्लामिक कॉन्फरन्स (ओआयसी)च्या सदस्य देशांमध्ये, जिथे पाकिस्तानने सीमापार दहशतवादी कारवाया केल्यानंतर मदत मागितली होती.

Devendra Fadnavis : ब्राह्मण समाजाचे काम दुधात साखरे सारखे, मुख्यमंत्री देवेंद्र फडणवीस यांचे प्रतिपादन

यूएई आणि पश्चिम आफ्रिकन देशांमध्ये बहुपक्षीय शिष्टमंडळाचे नेतृत्व करणारे श्रीकांत शिंदे म्हणाले की, या अनोख्या उपक्रमामुळे ओआयसी आणि संयुक्त राष्ट्र सुरक्षा परिषदेसारख्या बहुपक्षीय मंचांवर एक वेगळा आवाज असलेल्या देशांमध्ये दहशतवादाविरुद्ध शून्य सहनशीलतेचा भारताचा संदेश जोरदारपणे पोहोचवण्याची संधी मिळाली.

शिंदे यांच्या नेतृत्वाखालील शिष्टमंडळाने १४ दिवसांच्या भेटीदरम्यान युएई, सिएरा लिओन, लायबेरिया आणि काँगोला भेट दिली आणि वरिष्ठ सरकारी प्रतिनिधी, संबंधित देशांच्या संसद, थिंक टँक आणि भारतीय डायस्पोरा यांच्याशी संवाद साधला.