राजस्थानात मंत्रिमंडळाच्या बैठकीत दोन मंत्र्यांमध्ये हमरीतुमरी; काँग्रेसमधील वाद चव्हाट्यावर

By, Pravin Wankhade - June 3, 2021 03:11:48

0

वृत्तसंस्था

जयपूर : राजस्थान कॉंग्रेसमधील मतभेद आता चव्हाट्यावर आले आहेत. बुधवारी रात्री झालेल्या मंत्रिमंडळाच्या बैठकीत गहलोत सरकारचे ज्येष्ठ मंत्री शांती धारीवाल आणि शिक्षणमंत्री कॉंग्रेसचे प्रदेशाध्यक्ष गोविंदसिंग डोटासरा यांच्यात भांडण झाले. पहिल्या मंत्रिमंडळ बैठकीत दोन्ही नेत्यांमध्ये तीव्र चर्चा झाली,
मग बैठकीनंतर दोघेही बाहेर आले आणि त्यांच्यात तू तू मैं मैं असा वाद झाला. हा वाद विकोपाला जाऊन दोघांनाही एकमेकाला धमकी दिली. अखेर सहकारी मंत्र्यांनी हस्तक्षेप करून हे प्रकरण मिटविले. In the cabinet meeting in Rajasthan quarrel among the two ministers

बोर्डाच्या परीक्षांच्या निर्णयासाठी मंत्रिमंडळ बैठक बोलावली होती. अनेक मंत्री मुख्यमंत्री निवासस्थानी गेले. बैठकीत मुख्यमंत्री वर्च्युअल होते. बैठकीच्या मुख्य अजेंडावर चर्चा केल्यानंतर, धारीवाल यांनी चर्चा करताना डोटासरा यांना टोकले. तेव्हा प्रकरण आणखी वाढले.

उत्तर प्रदेश, राजस्थानात कोरोनामुळे हाहाकार, सरकारांनी निर्बंध वाढविले

धारीवाल यांनी डोटासराना टोकताच वाद

गोविंदसिंग डोटासरा यांनी बैठकीत सांगितले की, आज लसीकरण मोफत व्हावे या मागणीसाठी कॉंग्रेसने सोशल मिडियात मोहीम राबविली. आता प्रत्येक जिल्हा पातळीवर राष्ट्रपतींना निवेदन देण्यात यावे, ही मोहीमही मैदानात घेण्याची गरज आहे. डोटासरा हे सांगत असताना मंत्री शांती धारीवाल यांनी डोटासराचा मुद्दा कापला. ते म्हणाले की याची काय गरज आहे, मंत्र्यांचे काम निवेदन सादर करण्याचे नाही.
जेव्हा डोटासारा यांनीआक्षेप घेतला. तेव्हा धारीवाल देखील चिडले आणि म्हणाले की मी माझी बाजू ठेवतो. यावरुन या दोघांमध्ये बरीच चर्चा झाली. हे प्रकरण तुमच्यापर्यंत आणि माझ्यापर्यंत पोहोचले. महसूलमंत्री हरीश चौधरी आणि परिवहन मंत्री प्रतापसिंह खाचरियावास यांनी हस्तक्षेप केला, पण त्यांनी ऐकले नाही.

धारीवाल यांच्यावर कारवाईची मागणी

शांती धारीवाल यांनी टोकल्यामुळे संतप्त गोविंदसिंग डोटासरा यांनी सर्व काही आपल्यासमोर घडले आहे,अशी तक्रार मुख्यमंत्र्यांकडे केली. पक्ष संघटना या विषयावर चर्चा झाली तेव्हा अध्यक्षांना बोलण्याची परवानगीही नव्हती, अशा वर्तनाविरोधात कारवाई झाली पाहिजे. डोटासरा यांनी बाहेर जाणार असल्याचे सांगितले, पण मुख्यमंत्र्यांनी त्यांना शांत केले आणि आपले भाषण पूर्ण करण्यास सांगितले. या नंतरही त्या दोघात वाद झाले. जे बिघडले आहे ते बिघडलेच आहे. अनेक प्रदेशाध्यक्ष मी पाहिले, असे डोटासरा म्हणाले. यानंतर मुख्यमंत्र्यांनी कॅमेरा बंद केला आणि ते शांत बसून राहिले.
मंत्रिमंडळ बैठकीनंतर हा वाद कायम होता. दोघे एकमेकांवर आरडा ओरड करत होते. एकक्षणी ते एकमेकावर हल्ला करतात की काय अशी परिस्थिती होती. सुरक्षा कर्मचारी यांनी त्यांना बाजूला घेतले.