राजस्थानमध्ये दोन मुस्लीम आमदारांनी घेतली संस्कृतमध्ये शपथ

By, Pravin Wankhade - December 26, 2023 06:00:56

0

याशिवाय आठ आमदारांनीही संस्कृतमध्ये शपथ घेतली आहे.

विशेष प्रतिनिधी

जयपूर : राजस्थानमध्ये 16व्या नव्या विधानसभेच्या नवनिर्वाचित आमदारांनी मागील बुधवारी शपथ घेतली. यावेळी अधिवेशनाच्या पहिल्या दिवशी आमदारांनी विधानसभेत पोहोचून शपथ घेतली. शपथविधी सोहळ्यादरम्यान झुबेर खान आणि युनूस खान या दोन मुस्लीम आमदारांनी संस्कृतमध्ये शपथ घेतली. हे पाहून सभागृहात उपस्थित असलेले इतर आमदारही आश्चर्यचकित झाले. याशिवाय आठ आमदारांनीही संस्कृतमध्ये शपथ घेतली आहे.In Rajasthan two Muslim MLAs took oath in Sanskrit

राजस्थानमध्ये महिला सुरक्षा आणि पेपर लीक प्रकरणी ‘SIT’ची स्थापना!

16 व्या विधानसभेच्या पहिल्या अधिवेशनाच्या सुरुवातीला निवडून आलेले सर्व आमदार सकाळी विधानसभेत पोहोचले. यानंतर प्रोटेम स्पीकर कालीचरण सराफ यांनी निवडून आलेल्या सर्व आमदारांना मंत्रिपदाची शपथ दिली. यादरम्यान अलवरच्या रामगडचे काँग्रेसचे आमदार जुबेर खान आणि डिडवाना विधानसभेचे अपक्ष आमदार युनूस खान यांनी संस्कृतमध्ये शपथ घेतली.

दोन्ही आमदारांनी संस्कृतमध्ये शपथ घेतल्याने सभागृहात उपस्थित आमदारही आश्चर्यचकित झाले. जुबेर खान यांनी रामगड विधानसभेत सुखवंत सिंग यांचा पराभव करून निवडणूक जिंकली. तसेच भाजपचे बंडखोर अपक्ष युनूस खान यांनी निवडणुकीत काँग्रेसचे चेतनसिंग चौधरी यांचा पराभव केला होता.