मिझोराममध्ये अधिक मुले जन्माला घालणाऱ्या दाम्पत्याला एक लाख रुपयांचे बक्षीस जाहीर In Mizoram Rs 1 lakh prize Is Announced for couple who gives birth to more children

मिझोराममध्ये अधिक मुले जन्माला घालणाऱ्या दाम्पत्याला एक लाख रुपयांचे बक्षीस जाहीर

वृत्तसंस्था

आईजोल : पूर्वोत्तर भारतातील मिझोराममध्ये लोकसंख्या वाढीला प्रोत्साहन देण्यासाठी बक्षीस योजना जाहीर केली आहे. जास्त मुले जन्माला घातल्यास एक लाख रुपयांचे बक्षीस दिले जाणार आहे. In Mizoram Rs 1 lakh prize Is Announced for couple who gives birth to more children

मिझोरामचे क्रीडा मंत्री रॉबर्ट रॉयटे यांनी अधिक मुले जन्माला घालणाऱ्या मिझो दाम्पत्याला स्वतःच्या वतीने एक लाख रुपये बक्षीस देण्याची घोषणा नुकतीच केली. जास्त म्हणजे किती ती संख्या रॉयटे यांनी स्पष्ट केली नाही. राज्यातील मिझो जनजाती संपू नये, यासाठीच ही घोषणा केल्याचे त्यांनी स्पष्ट केले.

पूर्वोत्तर राज्य मिझोरामचे मूळ रहिवासी मिझो जनजातीचे आहेत. या जनजातीची लोकसंख्या गेली काही वर्षे कमी झाल्याने मिझो जनता चिंतेत आहे. त्यामुळेच ही जनजाती वाचवण्यासाठी विशेष प्रयत्न केले जात आहेत. त्याचाच भाग म्हणून मिझोरामचे क्रीडा मंत्री रॉबर्ट रॉयटे यांनी फादर्स डेनिमित्त केलेल्या भाषणात राज्यात अधिकाधिक मुले जन्माला घालणाऱया दाम्पत्याला व्यक्तिशः एक लाख रुपये पारितोषिक देण्याची घोषणा केली.

लोकसंख्येची घनता प्रतिचौरस किमीला ५२ नागरिक अशी आहे. जी देशाच्या मानाने कमीच आहे. राज्याची एकूण लोकसंख्या ११.२ लाख आहे. त्यामुळेच मिझो जनजातीचे अस्तित्व कायम राखण्याचे आवाहन रॉयटे यांनी केले. रॉयटे यांना ३ मुली आणि १ मुलगा आहे.