यूजीसीचा महत्त्वाचा निर्णय; विद्यार्थी रोजगारक्षम होण्यासाठी पदवीत इंटर्नशिप अनिवार्य होणार|Important Decision of UGC; Internship will be compulsory in graduation to make students employable

यूजीसीचा महत्त्वाचा निर्णय; विद्यार्थी रोजगारक्षम होण्यासाठी पदवीत इंटर्नशिप अनिवार्य होणार

वृत्तसंस्था

नवी दिल्ली : विद्यापीठ अनुदान आयोगाने (यूजीसी) पदवीधरांना अधिक रोजगारक्षम बनवण्यासाठी इंटर्नशिप अनिवार्य करण्याचा निर्णय घेतला आहे. इंटर्नशिप फिजिकल, डिजिटल आणि हायब्रिड मोडमध्ये असेल. चालू शैक्षणिक सत्रापासूनच याची अंमलबजावणी होऊ शकते. ही इंटर्नशिप चौथ्या सेमिस्टरनंतर (दोन वर्षे) किमान ६० ते १२० तासांची असेल. इंटर्नशिपमध्ये विद्यार्थ्याचा कामाचा अनुभव आणि संशोधन कार्य या दोन्हींचा समावेश असेल.Important Decision of UGC; Internship will be compulsory in graduation to make students employable

इंटर्नशिप केल्याने विद्यार्थ्याला २ ते ४ क्रेडिट्स मिळतील. इंटर्नशिपसाठी एक क्रेडिट ३० तास काम किंवा संशोधन दर्शवते. हे १५ आठवड्यांच्या सेमिस्टरमध्ये दर आठवड्याला दोन तास असू शकते. चार वर्षांच्या पदवीपूर्व कार्यक्रमाच्या (संशोधनासह ऑनर्स) विद्यार्थ्यांना ८व्या सेमिस्टरचे शेवटचे सहा महिने म्हणजे चौथ्या वर्षी इंटर्नशिपमध्ये घालवावे लागतील.

यूजीसीचा निर्णय : दूर शिक्षण ऑनलाइन शिक्षणाच्या पदवीला मान्यता प्राप्त पदवीचेच महत्त्व!

सरकारी आणि खासगी संस्थांसह अनेक क्षेत्रांत विद्यार्थी इंटर्नशिप मार्गदर्शक आणि विषय तज्ज्ञांच्या मार्गदर्शनाखाली किंवा स्वतंत्रपणे करू शकतील. शासकीय व खासगी संस्था, शैक्षणिक संस्था, रुग्णालये, एनजीओ, स्टार्टअप्स, बिझनेस हाऊस, कौशल्य कार्यशाळा आणि शेतीशी संबंधित विविध क्षेत्रात इंटर्नशिप करता येते.