मी जन्मजात काँग्रेसी, पण संघाचा इतिहास सांगून घ्यायचा प्रयत्न करतोय; शिवकुमार यांचे सूचक उद्गार!!

By, Pravin Wankhade - August 22, 2025 04:19:52

0

विशेष प्रतिनिधी

नवी दिल्ली : कर्नाटक काँग्रेसमध्ये राजकीय अस्वस्थता आहे. राज्यात काँग्रेसचे सत्ता असताना सुद्धा मुख्यमंत्री सिद्धरामय्या आणि उपमुख्यमंत्री डी. के. शिवकुमार यांच्यातली दरी रुंदावत चालली आहे. यांच्या राजकीय खुणा दिसून आल्या. डी. के. शिवकुमार यांनी राष्ट्रीय स्वयंसेवक संघ समजून घ्यायला सुरुवात केली आहे. शिवकुमार यांनी स्वतःच तसे वक्तव्य केले.

मी जन्मजात काँग्रेसी आहे. पण सध्या संघाला समजून घ्यायचा प्रयत्न करतोय, असे शिवकुमार म्हणाले. मी राजकीय पक्षांचे संशोधन केले. संघ कर्नाटकात संस्था निर्माण करण्यात आघाडीवर आहे. ते प्रत्येक जिल्ह्यात शाळा बांधत आहेत. ते चांगले विद्यार्थी घडवत आहेत. त्यांच्यावर चांगले संस्कार करत आहेत. आमच्यात राजकीय मतभेद खूप आहेत. पण मी संघाचा इतिहास समजून घ्यायचा प्रयत्न करतोय, असे शिवकुमार यांनी सांगितले.

BIG STATEMENT

मैं जन्मजात कांग्रेसी हूँ

लेकिन मैने राजनीतिक दलों पर शोध किया है

RSS कर्नाटक में संस्थानों का निर्माण के साथ

वो हर जिले में स्कूल भी बना रहे

वे बच्चों को अच्छा उपदेश दे रहे

राजनीतिक मतभेद बहुत है, लेकिन मैं RSS

के इतिहास को जानने की कोशिश कर रहा हूँ pic.twitter.com/e0yqdtZRNt

— Hardik Bhavsar (@Bitt2DA) August 22, 2025

शिवकुमार यांनी कर्नाटकात काँग्रेसचे सत्ता आणण्यासाठी खूप कष्ट घेतले. प्रदेशाध्यक्ष पदावरून काम करताना संपूर्ण राज्य पिंजून काढले भाजपच्या प्रभाग क्षेत्रात देखील शिवकुमार यांनी चांगले काम करून दाखविले. पण काँग्रेसच्या नेत्यांनी शिवकुमार यांच्या कष्टाचे चीज केले नाही. त्यामुळे शिवकुमार यांनी वेगळा राजकीय सूर लावल्याचे मानले जात आहे.

राहुल गांधी आणि बाकीचे काँग्रेस नेते संघाच्या द्वेषात आकंठ बुडालेले असताना शिवकुमार यांनी संघ समजून घेण्याचे सूचक वक्तव्य केल्याने कर्नाटकात लवकरच राजकीय भूकंप होणार असल्याचे मानले जात आहे. कारण गेल्या कित्येक वर्षांपासून शिवकुमार मुख्यमंत्री व्हायचा प्रयत्न करत आहेत, पण काँग्रेसचे नेते त्यांना मुख्यमंत्री करत नाहीत. त्याऐवजी काँग्रेसच्या नेत्यांनी सिद्धरामय्या यांच्या पारड्यातच आपले वजन टाकले. त्यामुळे शिवकुमार यांनी आता आरपार ही लढाई समजून संघाशी जवळ एक साधणारे वक्तव्य केल्याचे मानण्यात येत आहे.