Uttar Pradesh : उत्तर प्रदेशमधील मुरादाबादमधून हिजबुल मुजाहिदीनच्या दहशतवाद्यास अटक

By, Pravin Wankhade - March 8, 2025 09:30:36

0

पीओकेमध्ये प्रशिक्षण घेतले होते, १८ वर्षांपासून होता फरार

विशेष प्रतिनिधी

मुरादाबाद : Uttar Pradesh उत्तर प्रदेशातील मुरादाबाद पोलिस आणि उत्तर प्रदेश एटीएसच्या संयुक्त पथकाने हिजबुल मुजाहिदीनच्या दहशतवाद्याला अटक केली आहे. जम्मू आणि काश्मीरमधील पूंछ जिल्ह्यातील रहिवासी उल्फत हुसेन हा देशविरोधी कारवायांमध्ये सहभागी आहे. त्याच्यावर २५,००० रुपयांचे बक्षीस जाहीर करण्यात आले होते आणि तो १८ वर्षे फरार होता.Uttar Pradesh

२००२ मध्ये अटक झाल्यानंतर, २००८ मध्ये त्याची जामिनावर सुटका झाली आणि त्यानंतर तो न्यायालयात हजर होत नव्हता. ७ मार्च २०२५ रोजी एटीएस युनिट आणि मुरादाबाद पोलिसांनी त्याला जम्मू आणि काश्मीर पूंछ येथून अटक केली आहे.

Devendra Fadnavis दहा वर्षांतील विक्रमी परकीय गुंतवणूक महाराष्ट्रात आली केवळ 9 महिन्यात!

हिजबुल मुजाहिदीनचा दहशतवादी उल्फत हुसेन उर्फ मोहम्मद सैफुल्लाहवर २५००० रुपयांचे बक्षीस जाहीर करण्यात आले होते. दहशतवादी उल्फत हुसेन उर्फ मोहम्मद सैफुल्लाहने १९९९-२००० मध्ये पाकव्याप्त काश्मीर (पीओके) मध्ये दहशतवादी प्रशिक्षण घेतले होते. त्यानंतर तो मुरादाबादला आला आणि एक मोठा दहशतवादी हल्ला करण्याची योजना आखत होता. तपासात असे आढळून आले की उल्फत हुसेन हा हिजबुल मुजाहिदीनचा सक्रिय सदस्य होता. मुरादाबादच्या अतिरिक्त मुख्य न्यायदंडाधिकारी-१४ यांनी २०१५ आणि २०२५ मध्ये कायमस्वरूपी वॉरंट जारी केले होते.