..म्हणून हिमाचल काँग्रेस अध्यक्षांचा लोकसभा निवडणूक लढवण्यास नकार!

By, Pravin Wankhade - March 20, 2024 07:03:40

0

‘काही करू शकलो नाही, तर मते कशी मागणार’ असंही म्हणाले आहेत.

विशेष प्रतिनिधी

नवी दिल्ली : लोकसभा निवडणुकीच्या तारखा जाहीर झाल्या आहेत. सर्वच पक्ष उमेदवारांची घोषणा करत आहेत. अनेक उमेदवारांना तिकिटे मिळाली आहेत, काहींची कटही झाली आहेत. तर तिकीट मिळूनही उमेदवारी नाकारणारेही काही उमेदवार आहेत.Himachal Congress presidents refusal to contest Lok Sabha elections

हिमाचल प्रदेश काँग्रेसच्या अध्यक्षा प्रतिभा सिंह यांनी लोकसभा निवडणूक लढवण्यास नकार दिला आहे. हिमाचल प्रदेश या डोंगराळ प्रदेशात सातव्या आणि शेवटच्या टप्प्यात निवडणुका होणार आहेत.

लोकसभा निवडणुकीपूर्वी काँग्रेसच्या आणखी एक धक्का आता ‘या’ नेत्याने दिली सोडचिठ्ठी!

हिमाचल काँग्रेसच्या अध्यक्षा प्रतिभा सिंह यांनी मंडी लोकसभा मतदारसंघातून निवडणूक लढवण्यास स्पष्ट नकार दिला आहे. त्यांना मंडी मधून उमेदवारी देण्यात आली आहे. हिमाचल काँग्रेस अध्यक्ष म्हणाल्या की, सरकार सत्तेत असताना कामगारांसाठी काहीही केले नाही. अशा स्थितीत कामगार आम्हाला मतदान कसे करणार?

त्या म्हणाल्या, जिथं बाकीच्या तिकिटांचा प्रश्न आहे, तिथे आमच्याकडे अजून वेळ आहे. हिमाचल प्रदेशात १ जूनला मतदान आहे. मुख्यमंत्री सुखविंदर सिंग सुखू यांनीही आमच्याकडे अजून वेळ असल्याचे बैठकीत सांगितले. काही दिवसांतच लोकसभा आणि विधानसभेच्या तिकीटांचा निर्णय होईल.

हिमाचल प्रदेशात काँग्रेस आता बॅकफूटवर आहे. हिमाचल काँग्रेसच्या अध्यक्षांनी मंडीतून निवडणूक लढवण्यास नकार दिल्याने विधानसभेतील काँग्रेसच्या सहा बंडखोर आमदारांना बडतर्फ करण्याचे प्रकरण अद्याप संपलेले नाही. आपल्या सरकारवर हल्लाबोल करत प्रतिभा सिंह म्हणाल्या आहेत की, सरकारने आजपर्यंत कामगारांसाठी काहीही केले नाही. अशा स्थितीत कामगार आम्हाला मतदान कसे करणार? त्यामुळे मी निवडणूक लढवण्यास नकार दिला आहे. काँग्रेस अध्यक्ष असल्याने मला हिमाचलच्या सर्व भागांचा दौरा करावा लागेल, असे त्यांनी म्हटले आहे.