शीखविरोधी दंगल प्रकरणी सज्जन कुमारविरोधात आज सुनावणी, काँग्रेसच्या माजी खासदारांवरील आरोपांवर निकाल येणार; एका प्रकरणात जन्मठेप|Hearing today against Sajjan Kumar in anti-Sikh riots case, verdict on charges against former Congress MP; Life imprisonment in one case

शीखविरोधी दंगल प्रकरणी सज्जन कुमारविरोधात आज सुनावणी, काँग्रेसच्या माजी खासदारांवरील आरोपांवर निकाल येणार; एका प्रकरणात जन्मठेप

वृत्तसंस्था

नवी दिल्ली : शीखविरोधी दंगलीप्रकरणी काँग्रेसचे माजी खासदार सज्जन कुमार यांच्याविरोधात आज सुनावणी होणार आहे. यामध्ये माजी खासदारांवरील आरोपांवर निर्णय होणार आहे. विशेष न्यायाधीश एमके नागपाल या खटल्याची सुनावणी करणार आहेत.Hearing today against Sajjan Kumar in anti-Sikh riots case, verdict on charges against former Congress MP; Life imprisonment in one case

1984 च्या दंगलीत शीख पिता-पुत्राचा मृत्यू झाला होता. जसवंत सिंग आणि तरुणदीप सिंग यांची जमावाने हत्या केली होती. काँग्रेस नेते सज्जन कुमार या जमावाचे नेतृत्व करत असल्याचा आरोप आहे. त्यांनीच बाप-लेकीला जाळण्यासाठी प्रवृत्त केले.

अधिकारी – कर्मचारी – पोलीस, कान उघडून ऐका, 8 महिन्यांनी सगळा हिशेब घेऊ!!; काँग्रेस नेते कमलनाथांची धमकी

पीडितांच्या कुटुंबीयांचा मारहाणीचा आरोप

जसवंत सिंग आणि तरुणदीप सिंग यांच्या कुटुंबीयांना मारहाण केल्याचा आरोपही सज्जन सिंग वर्मा यांच्यावर आहे. या प्रकरणी दिल्लीतील सरस्वती विहार पोलिस ठाण्यात गुन्हा दाखल करण्यात आला आहे. यामध्ये सज्जन कुमारवर भारतीय दंड संहितेच्या कलम १४७, १४९, १४८, ३०२, ३०८, ३२३, ३९५, ३९७, ४२७, ४३६, ४४० अन्वये दंगल, खून आणि दरोड्याचा आरोप ठेवून गुन्हा दाखल करण्यात आला होता. याप्रकरणी सज्जन कुमारची चौकशी करण्यात आली आणि त्याला 6 एप्रिल 2021 रोजी अटक करण्यात आली. सध्या तो याच दंगलीशी संबंधित आणखी एका प्रकरणात जन्मठेपेची शिक्षा भोगत आहे.

सज्जन कुमारला जन्मठेप

दिल्ली उच्च न्यायालयाने 17 डिसेंबर 2018 रोजी सज्जन कुमारला जन्मठेपेची शिक्षा सुनावली होती. 1984च्या शीखविरोधी दंगलीनंतर दिल्लीत 5 शीख मारले गेले आणि एक गुरुद्वारा जाळला गेला. या प्रकरणात सज्जन कुमारला दोषी ठरवून शिक्षा सुनावण्यात आली होती.