Hassan Nasrallah : हिजबुल्लाचा प्रमुख हसन नसराल्लाह ठार ; इस्रायली सैन्याने केली पुष्टी!

By, Pravin Wankhade - September 28, 2024 08:00:58

0

इस्रायली सैन्य म्हणाले, ‘आता तो जगाला पुन्हा कधीही घाबरवू शकणार नाही’

विशेष प्रतिनिधी

नवी दिल्ली : इस्रायल आणि हिजबुल्ला यांच्यातील संघर्षादरम्यान एक मोठी बातमी समोर आली आहे. वास्तविक, हिजबुल्लाचा प्रमुख हसन नसरल्लाह ( Hassan Nasrallah ) मारला गेला आहे. इस्रायली लष्कराने याला दुजोरा दिला आहे. इस्रायलच्या लष्कर IDF ने सोशल मीडिया प्लॅटफॉर्म X वर शेअर केलेल्या पोस्टमध्ये लिहिले की, ‘हसन नसराल्लाह पुन्हा कधीही जगात दहशत माजवू शकणार नाही’.

शुक्रवारी, लेबनॉनमधील बेरूत येथे इस्रायली हवाई हल्ल्यात हिजबुल्लाचा प्रमुख हसन नसरल्लाह ठार झाल्याची अफवा त्याच वेळी सुरू झाली, जेव्हा इस्रायली सैन्याने हिजबुल्लाच्या मुख्यालयाला लक्ष्य केल्याची माहिती समोर आली. तसेच या हल्ल्यानंतर इस्रायलचे पंतप्रधान बेंजामिन नेतन्याहू देखील आपला अमेरिका दौरा अर्धवट सोडून इस्रायलला रवाना झाले आहेत. तेव्हापासून हिजबुल्लाच्या सर्वोच्च नेत्याच्या मृत्यूची चर्चा होती. आता इस्रायली लष्कराने हसन नसराल्लाहच्या मृत्यूची पुष्टी करून हे अंदाज खरे ठरविले आहेत.

Congress : हरियाणा काँग्रेसच्या जाहीरनाम्यात बड्या – बड्या गोष्टी; पण संघटनेत बेरजेपेक्षा वजाबाकीच मोठी!!

शुक्रवारी इस्रायली लष्कराने लेबनॉनची राजधानी बेरूतमधील अनेक लक्ष्यांवर हवाई हल्ले केले. या हल्ल्यांमध्ये हिजबुल्लाच्या स्थानांना लक्ष्य करण्यात आले. आता इस्रायली लष्कराने एक निवेदन जारी केले आहे की त्यांच्या हल्ल्यात हिजबुल्लाहचा प्रमुख हसन नसरल्लाह आणि हिजबुल्लाचा दक्षिण आघाडीचा प्रमुख अली कराकी यांच्यासह अनेक कमांडर मारले गेले आहेत. इस्त्रायली सैन्याने सांगितले की, बेरूतच्या दक्षिणेकडील उपनगरात हेजबुल्लाचे मुख्यालय हे लक्ष्य होते, जे निवासी इमारतींच्या खाली भूमिगत होते.

आयडीएफने सांगितले की शीर्ष हिजबुल्ला कमांडर इतर साथीदारांसह इस्रायलवर हल्ल्याची योजना आखत होता. याआधी इस्रायलच्या हल्ल्यात हिजबुल्लाहच्या क्षेपणास्त्र युनिटचे प्रमुख मोहम्मद अली इस्माइल आणि त्याचे उपनियुक्त हुसेन अहमद इस्माइल यांचा मृत्यू झाल्याची बातमी आली होती.