Gujarat court : गुजरात न्यायालयाचे अभिसार शर्मा आणि राजू परुळेकर यांना समन्स

By, Pravin Wankhade - September 17, 2025 09:30:49

0

विशेष प्रतिनिधी

गांधीनगर : Gujarat court विनाकारण बदनामी केल्याप्रकरणी अदानी समूहाने दाखल केलेल्या फौजदारी मानहानी प्रकरणात पत्रकार अभिसार शर्मा आणि राजू परुळेकर यांना २० सप्टेंबर रोजी न्यायालयात हजर राहण्याचे आदेश गांधीनगरच्या दंडाधिकारी न्यायालयाने दिले आहेत.Gujarat court

अदानी समूहाच्या वकिल संजय ठक्कर यांनी दिलेल्या माहितीनुसार, या दोघांविरोधात भारतीय नागरिक सुरक्षा संहिता (BNSS) कलम २२३ अंतर्गत नोटिसा बजावण्यात आल्या आहेत. या कलमानुसार, गुन्ह्याची दखल घेण्याआधी आरोपींना ऐकून घेणे आवश्यक आहे. अभिसार शर्मा यांच्यावर १८ ऑगस्ट २०२५ रोजी यूट्यूब चॅनेलवर अपलोड केलेल्या व्हिडिओतून अदानी समूहाबद्दल अपकीर्तिजनक आरोप केल्याचा ठपका ठेवण्यात आला आहे. राजू परुळेकर यांनी जानेवारीपासून ‘X’ (माजी ट्विटर) या प्लॅटफॉर्मवर “घोटाळे” आणि “राजकीय लाभ” अशा पोस्ट्स केल्याचा आरोप आहे.Gujarat court

विद्यार्थ्यांपासून शेतकऱ्यांपर्यंत सर्वांना लाभासाठी आजच्या बैठकीत फडणवीस मंत्रिमंडळाचे निर्णय!!

अदानी समूहाने या सर्व आरोपांना “बिनबुडाचे आणि दिशाभूल करणारे” म्हटले आहे. पत्रकारांनी ज्याचा उल्लेख केला त्या गुवाहाटी उच्च न्यायालयाच्या आदेशात अदानी समूहाचा कुठेही उल्लेख नसल्याचे कंपनीने स्पष्ट केले आहे.

या प्रकरणात भारतीय दंड संहिता (BNS) कलम ३५६ (१–३) लागू करण्यात आले असून, हेच पूर्वीच्या आयपीसी कलम ४९९–५०१ (मानहानीशी संबंधित गुन्हे) यासम होते. दोषी ठरल्यास दोन्ही पत्रकारांना जास्तीत जास्त दोन वर्षांची शिक्षा, दंड किंवा दोन्ही होऊ शकतात.

२० सप्टेंबरला न्यायालयात हजर राहिल्यानंतर पुढील सुनावणी व खटला सुरु होणार की नाही यावर निर्णय होईल.