पुढील महिन्यात होणाऱ्या विधानसभा निवडणुकीसाठी भाजपने तिकीट न दिल्याने नाराज झालेल्या गोव्याचे माजी मुख्यमंत्री आणि पक्षाचे ज्येष्ठ नेते लक्ष्मीकांत पार्सेकर यांनी पक्षाचा राजीनामा देण्याची घोषणा केली आहे. 65 वर्षीय पार्सेकर म्हणाले की, मला पक्षात राहायचे नाही आणि आज संध्याकाळपर्यंत औपचारिकपणे राजीनामा सादर करेन. Goa Elections Confusion continues in Goa BJP over ticket distribution, former Chief Minister Laxmikant Parsekar announces to leave the party
वृत्तसंस्था
पणजी : पुढील महिन्यात होणाऱ्या विधानसभा निवडणुकीसाठी भाजपने तिकीट न दिल्याने नाराज झालेल्या गोव्याचे माजी मुख्यमंत्री आणि पक्षाचे ज्येष्ठ नेते लक्ष्मीकांत पार्सेकर यांनी पक्षाचा राजीनामा देण्याची घोषणा केली आहे. 65 वर्षीय पार्सेकर म्हणाले की, मला पक्षात राहायचे नाही आणि आज संध्याकाळपर्यंत औपचारिकपणे राजीनामा सादर करेन.
पार्सेकर सध्या आगामी गोवा निवडणुकीसाठी भाजपच्या जाहीरनामा समितीचे प्रमुख आहेत आणि पक्षाच्या कोअर कमिटीचे सदस्यही आहेत. मांद्रेम विधानसभेसाठी भाजपने विद्यमान आमदार दयानंद सोपटे यांना उमेदवारी दिली आहे. 2002 ते 2017 या काळात पार्सेकर यांनी या जागेचे प्रतिनिधित्व केले होते. सोपटे यांनी 2017च्या विधानसभा निवडणुकीत काँग्रेस उमेदवार म्हणून पार्सेकर यांचा पराभव केला होता, परंतु 2019 मध्ये ते इतर नऊ नेत्यांसह सत्ताधारी पक्षात सामील झाले.
पार्सेकर म्हणाले, “सध्या मी राजीनामा देण्याचा निर्णय घेतला आहे. मी पुढे काय करायचं ते नंतर ठरवेन.” ते म्हणाले की, सोपटे हे मांद्रेममधील भाजपच्या मूळ कार्यकर्त्यांकडे दुर्लक्ष करत असल्याने त्यांच्यात असंतोष पसरला आहे.
पार्सेकर 2014 ते 2017 पर्यंत गोव्याचे मुख्यमंत्री होते. तत्कालीन मुख्यमंत्री मनोहर पर्रीकर यांचा केंद्रीय मंत्रिमंडळात समावेश झाल्यानंतर त्यांची राज्याच्या मुख्यमंत्रिपदी निवड झाली. 14 फेब्रुवारी रोजी होणाऱ्या गोवा विधानसभा निवडणुकीसाठी भाजपने 34 उमेदवारांची पहिली यादी जाहीर केली आहे. राज्यात विधानसभेच्या 40 जागा आहेत.
To be published, comments must be reviewed by the administrator.*
Our website uses cookies to improve your experience. Learn more
Download App