आनंद विवाह कायद्यांतर्गत विवाह प्रमाणपत्र मिळवणारे महाराष्ट्रातील पहिले जोडपे|First couple in Maharashtra to get marriage certificate under Anand Marriage Act

आनंद विवाह कायद्यांतर्गत विवाह प्रमाणपत्र मिळवणारे महाराष्ट्रातील पहिले जोडपे

सतविंदर कौर आणि अमृतपाल सिंह यांनी हे प्रमाणपत्र मिळवले आहे

विशेष प्रतिनिधी

छत्रपती संभाजीनगर : महाराष्ट्रात आनंद विवाह कायदा लागू असूनही या कायद्यांतर्गत विवाह प्रमाणपत्र मिळत नसल्याने, एका शीख दाम्पत्याने मुंबई उच्च न्यायालयाच्या छत्रपती संभाजीनगर खंडपीठात धाव घेतली होती. सतविंदर कौर आणि अमृतपाल सिंह असे या जोडप्याचे नाव असून दोघेही व्यवसायाने वकील आहेत.First couple in Maharashtra to get marriage certificate under Anand Marriage Act

राज्यात 23 एप्रिल 2020 रोजीच्या राजपत्रित अधिसूचनेनुसार, आनंद विवाह कायदा लागू असूनही आम्हाला या अंतर्गत विवाह प्रमाणपत्र मिळत नसल्याचं त्यांनी न्यायालयाच्या निदर्शनास आणून दिलं होतं. अखेर त्यांना प्रमाणपत्र मिळालंच. विशेष म्हणजे असं प्रमाणपत्र मिळवणारे हे राज्यातील पहिलेच जोडपे ठरले आहे.

महाराष्ट्रातील 193 एसटी बस स्थानकांचे सौंदर्यीकरण; 600 कोटींचा करार!!

याचिकाकर्ते सतविंदर म्हणाल्या की, “आम्ही राज्यभरातील शीख समुदायाच्या सदस्यांशी तपासणी केली आणि असे आढळले की राज्याने तीन वर्षांपूर्वी आनंद विवाह कायदा जारी केला असूनही, या कायद्याअंतर्गत समुदायातील कोणत्याही सदस्याला विवाह प्रमाणपत्र मिळालेले नाही,” असे याचिकाकर्ते सतविंदर यांनी सांगितले.

अमृतपाल म्हणाले, “आम्ही आमच्या याचिकेत म्हटले आहे की येथील नागरी संस्थेच्या अधिकाऱ्याला कायद्याची माहिती नव्हती आणि ते आम्हाला हिंदू विवाह कायद्यांतर्गत नोंदणी करण्यास सांगत होते. आम्ही शेवटी कायदेशीर उपायांचा पाठपुरावा करण्याचा निर्णय घेतला. समस्या उद्भवली आणि रिट दाखल करण्यात आली.”आनंद विवाह कायद्याचा उगम 1909 मध्ये झाला, जेव्हा ब्रिटीश इम्पीरियल लेजिस्लेटिव्ह कॉन्सिलने आनंद कारज या शीख विवाह सोहळ्याला मान्यता देण्यासाठी कायदा केला. समाजाच्या चालीरीती आणि प्रथा स्वीकारणे आणि त्यांचा आदर करणे हा या कायद्याचा उद्देश आहे.