Siren system : भारताच्या कारवाईमुळे पाकिस्तानमध्ये वाढली भीती, ‘या’ शहरांमध्ये बसवले सायरन सिस्टीम

By, Pravin Wankhade - May 2, 2025 08:30:39

0

खैबर पख्तूनख्वा प्रांताच्या सरकारने राज्यातील किमान २९ जिल्ह्यांमध्ये आपत्कालीन सायरन बसवण्याची घोषणा केली आहे

विशेष प्रतिनिधी

लाहोर : Siren system जम्मू आणि काश्मीरमधील पहलगाम येथे झालेल्या दहशतवादी हल्ल्यानंतर भारत सरकार पाकिस्तानविरुद्ध कठोर कारवाई करत आहे. भारताच्या या कृतीमुळे पाकिस्तानमध्ये भीतीचे वातावरण सतत वाढत आहे. या भीतीमुळे, खैबर पख्तूनख्वा प्रांताच्या सरकारने राज्यातील किमान २९ जिल्ह्यांमध्ये आपत्कालीन सायरन बसवण्याची घोषणा केली आहे. ज्यामुळे, भारताकडून होणाऱ्या कोणत्याही हवाई हल्ल्यादरम्यान, सायरन वाजवून लोकांना सतर्क केले जाईल.Siren system

पंतप्रधान नरेंद्र मोदी यांनी पाकिस्तानला धडा शिकवण्यासाठी सलग बैठका घेतल्या असताना पाकिस्तानने हे पाऊल उचलले आहे. या बैठकीमुळे पाकिस्तान इतका घाबरला की त्याला भारताकडून हवाई हल्ल्याची भीती वाटू लागली. भारताकडून संभाव्य हल्ल्याच्या भीतीने पाकिस्तानने गुरुवारी सायरन बसवण्याची घोषणा केली. याच्या मदतीने पाकिस्तान सरकार ते आपल्या नागरिकांना हवाई हल्ल्यांबद्दल किंवा इतर आपत्कालीन परिस्थितीबद्दल सतर्क करू शकते.

Chief Ministers Relief Fund जिल्हास्तरीय मुख्यमंत्री सहाय्यता निधी कक्षाचे महाराष्ट्र दिनी उद्घाटन

मीडिया रिपोर्ट्सनुसार, पाकिस्तानच्या खैबर पख्तूनख्वा प्रांताच्या सरकारने राज्यातील २९ जिल्ह्यांमध्ये आधुनिक इलेक्ट्रिक सायरन सिस्टम बसवण्याची घोषणा केली आहे. खैबर पख्तूनख्वा येथील बाजौरमधील ११२२ इमारतींवर आतापर्यंत सायरन सिस्टीम बसवण्यात आल्याचे सांगण्यात येत आहे. याशिवाय इतर ठिकाणीही सायरन सिस्टीम बसवण्याचे काम सुरू आहे.