Postal Service : युरोपीय देशांनी अमेरिकेसाठी टपाल सेवा बंद केली; भारतानंतर ब्रिटन, जर्मनी, फ्रान्स, इटलीचा निर्णय

By, Pravin Wankhade - August 25, 2025 07:00:30

0

वृत्तसंस्था

नवी दिल्ली : Postal Service भारतानंतर, अनेक युरोपीय देशांनीही अमेरिकेला जाणारी टपाल सेवा बंद केली आहे. यामध्ये भारत, इटली, ब्रिटन, फ्रान्स, जर्मनी, नेदरलँड्स, ऑस्ट्रिया आणि इतर अनेक देशांचा समावेश आहे. सेवा ठप्प करण्याचे कारण अमेरिकेचे अध्यक्ष डोनाल्ड ट्रम्प यांचे नवीन टॅरिफ नियम आहेत.Postal Service

खरं तर, ट्रम्प प्रशासनाने यावर्षी ३० जुलै रोजी एक आदेश जारी केला होता, ज्यामध्ये ८०० डॉलर (७० हजार रुपये) पर्यंतच्या वस्तूंवरील टॅरिफ सूट रद्द करण्यात आली आहे. ही सूट २९ ऑगस्टपासून संपेल.Postal Service

युरोपियन पोस्टल संघटना पोस्ट युरोप आणि इतर पोस्टल विभागांनुसार, नवीन नियमांची स्पष्ट माहिती अद्याप देण्यात आलेली नाही. त्यामुळे पोस्टाने वस्तू पाठवण्याच्या सेवा सध्या बंद करण्यात येत आहेत.

हिंदू धर्माचा अपमान सहन करणार नाही, नितेश राणेंची सुप्रिया सुळेंना ताकीद

२५ ऑगस्टनंतर भारतातून ही सेवा बंदी घातली जाईल.

भारताच्या दळणवळण मंत्रालयाच्या मते, अमेरिकेकडून शुल्क लागू करण्याची आणि वसूल करण्याची प्रक्रिया स्पष्ट नाही. त्यामुळे, भारतातील अमेरिकेला जाणारी टपाल सेवा तात्पुरती स्थगित राहील.

भारतीय टपाल विभाग २५ ऑगस्टपासून अमेरिकेला जाणाऱ्या बहुतेक टपाल वस्तूंचे बुकिंग थांबवणार आहे. सध्या हा निर्णय तात्पुरता लागू केला जाईल. २३ ऑगस्ट रोजी टपाल विभागाने याबाबत माहिती देणारी प्रेस नोट जारी केली.

त्याच वेळी, जर्मनीच्या ड्यूश पोस्टने म्हटले आहे की, खासगी आणि व्यावसायिक ग्राहकांसाठी पार्सल पाठविण्यावर तात्पुरती बंदी घालण्यात आली आहे. इटलीच्या पोस्टने २३ ऑगस्टपासून ही सेवा बंद केली आहे. तथापि, येथून सामान्य पत्रे पाठवता येतात.

दुसरीकडे, ब्रिटनच्या रॉयल मेल सेवेने अमेरिकेत पाठवले जाणारे सर्व पॅकेजेस बंद केले आहेत. याशिवाय, १०० डॉलर्सपेक्षा जास्त किमतीच्या वस्तूंवर १०% शुल्क आकारले जाईल. फ्रान्स आणि नेदरलँड्सनेही टॅरिफ कलेक्शन सिस्टमबद्दल स्पष्टता नसल्यामुळे हे थांबवले आहे.

बंद करण्याचे कारण….

ट्रम्प प्रशासनाने ३० जुलै रोजी एक कार्यकारी आदेश (क्रमांक १४३२४) जारी केला, ज्या अंतर्गत ८०० डॉलर्स (सुमारे ७० हजार रुपये) पर्यंतच्या वस्तूंवर दिलेली शुल्कमुक्त सूट २९ ऑगस्ट २०२५ पासून रद्द केली जाईल.

यानंतर, अमेरिकेत जाणाऱ्या सर्व टपाल वस्तू, त्यांची किंमत काहीही असो, त्यांच्यावर कस्टम ड्युटी आकारली जाईल. ही ड्युटी देश-विशिष्ट आंतरराष्ट्रीय आपत्कालीन आर्थिक शक्ती कायदा (IEEPA) च्या टॅरिफ रचनेनुसार असेल. यामुळे, टपाल विभागाने २५ ऑगस्टपासून अमेरिकेला जाणाऱ्या बहुतेक टपाल सेवा तात्पुरत्या बंद करण्याचा निर्णय घेतला आहे.