महाराष्ट्र विधान परिषदेच्या ५ रिक्त जागांसाठी निवडणूक जाहीर

By, Pravin Wankhade - March 4, 2025 08:00:33

0

मतदान आणि मतमोजणी कधी होणार जाणून घ्या? Maharashtra Legislative Council

विशेष प्रतनिधी

मुंबई : गेल्या वर्षी झालेल्या लोकसभा आणि विधानसभा निवडणुकीत मोठ्या राजकीय उलथापालथींनंतर, राज्यात पुन्हा एकदा निवडणुकीचा हंगाम सुरू झाला आहे. केंद्रीय निवडणूक आयोगाने विधान परिषदेच्या ५ जागांसाठी निवडणूक कार्यक्रम जाहीर केला आहे. महाराष्ट्रातील ५ जागांसाठी २७ मार्च रोजी मतदान होणार असल्याची घोषणा निवडणूक आयोगाने केली आहे.

तुम्हाला खुर्ची टिकवता आली नाही तर मी काय करू??; “पर्मनंट” उपमुख्यमंत्री अजितदादांचा एकनाथ शिंदेंना टोला!!

विधान परिषदेतील पाच आमदारांनी विधानसभा निवडणुकीत विजय मिळवला आहे. त्यामुळे त्यांच्या जागा रिक्त झाल्या आहेत. आयोगाने या जागांसाठी निवडणूक जाहीर केली आहे. या आमदारांच्या नावांमध्ये आमशा पाडवी, प्रवीण दटके, राजेश विटेकर, रमेश कराड आणि गोपीचंद पडळकर यांचा समावेश आहे.

आयोग १० मार्च रोजी विधान परिषद निवडणुकीसाठी अधिसूचना जारी करेल. यानंतर, १७ मार्चपर्यंत नामांकन दाखल करता येईल. अर्जांची छाननी दुसऱ्या दिवशी केली जाईल. यानंतर २० मार्चपर्यंत नामांकन मागे घेता येईल. मतदान आणि मतमोजणी २७ मार्च रोजी होईल. मतदानाची वेळ सकाळी ९ ते दुपारी ४ पर्यंत आहे. मतमोजणी सायंकाळी ५ वाजता सुरू होईल.