सरसंघचालक गोळवलकर गुरुजींवर दिग्विजय सिंहांचे विखारी ट्विट, द्वेष पसरवल्याच्या आरोपावरून एफआयआर दाखल|Digvijaya Singh's tweet against Sarsangh leader Golwalkar Guruji, FIR filed on charges of spreading hatred

सरसंघचालक गोळवलकर गुरुजींवर दिग्विजय सिंहांचे विखारी ट्विट, द्वेष पसरवल्याच्या आरोपावरून एफआयआर दाखल

वृत्तसंस्था

भोपाळ : मध्य प्रदेशचे माजी मुख्यमंत्री दिग्विजय सिंह यांना माजी राष्ट्रीय स्वयंसेवक संघाचे दिवंगत सरसंघचालक यांचे छायाचित्र असलेले ट्विट करणे महागात पडले आहे. त्यांच्यावर द्वेष पसरवल्याचा आरोप करत इंदूर शहरात एफआयआर दाखल करण्यात आला आहे.Digvijaya Singh’s tweet against Sarsangh leader Golwalkar Guruji, FIR filed on charges of spreading hatred

काँग्रेसच्या या ज्येष्ठ नेत्याने सोशल मीडियावर एक पोस्ट केली होती. या पोस्टमध्ये त्यांनी एक फोटो शेअर करताना लिहिले आहे की, ‘दलित-मागास आणि मुस्लिमांसाठी आणि जल, जंगल आणि जमिनीवरील राष्ट्रीय हक्कांबाबत गोळवलकरांचे विचार काय होते, हे जाणून घेतले पाहिजे.’

सावरकर – हिंदुत्व – गाय ; दिग्विजय सिंहांच्या बंधूंचा त्यांच्यावर वार; लक्ष्मण सिंह म्हणाले, गाय मातेसमान, गोमांस खाणे पापच!!

सत्ता हातात आली की…

दिग्विजय यांनी पोस्ट केलेल्या छायाचित्रात लिहिले आहे की, ‘सदाशिवराव गोळवलकर यांनी त्यांच्या ‘वुई अँड अवर नेशनहुड आयडेंटिफाइड’ या पुस्तकात स्पष्टपणे लिहिले आहे. जेव्हा जेव्हा सत्ता हातात येते तेव्हा सर्वप्रथम राज्यांतील दोन-तीन विश्वासू श्रीमंतांच्या हाती सरकारी संपत्ती, जमीन आणि जंगले सोपवतात. 95% जनतेला भिकारी बनवा, त्यानंतर सात जन्मही सत्ता हातातून जाणार नाही.

गुरु गोलवलकर जी के दलितों पिछड़ों और मुसलमानों के लिए व राष्ट्रीय जल जंगल व ज़मीन पर अधिकार पर क्या विचार थे अवश्य जानिए। ⁦@INCIndia⁩ ⁦@INCMP⁩ pic.twitter.com/dIYLrGUHQ3

— digvijaya singh (@digvijaya_28) July 7, 2023

पोस्टमध्ये आणखी कोणते दावे आहेत?

या छायाचित्रात गोळवलकर गुरुजींचा हवाला देत त्यांनी 1940 मध्ये म्हटले होते की, ‘मी आयुष्यभर ब्रिटिशांची सेवा करण्यास तयार आहे. पण दलित, मागास आणि मुस्लिम यांना समान अधिकार देणारे स्वातंत्र्य मला नको आहे.

द्वेष भडकावण्याचा आरोप

दिग्विजय यांच्या या ट्विटविरोधात तक्रार नोंदवत तक्रारदाराने त्यांच्यावर समाजात द्वेष पसरवल्याचा आरोप केला आहे. माजी मुख्यमंत्र्यांनी राष्ट्रीय स्वयंसेवक संघाची प्रतिमा खराब करण्याचा प्रयत्न केला, असेही फिर्यादीत म्हटले आहे.