मोदी सरकारची पुन्हा डिजिटल स्ट्राइक : पहिल्यांदाच देशातील १८, तर ४ पाकिस्तानी वृत्तवाहिन्यांच्या यूट्यूब चॅनलवर बंदी, देशविरोधी कंटेंट प्रसारित केल्याचा आरोप|digital strike 22 YouTube channels Blocked by Central Govt, accusing them of broadcasting anti-national content

मोदी सरकारची पुन्हा डिजिटल स्ट्राइक : पहिल्यांदाच देशातील १८, तर ४ पाकिस्तानी वृत्तवाहिन्यांच्या यूट्यूब चॅनलवर बंदी, देशविरोधी कंटेंट प्रसारित केल्याचा आरोप

भारत सरकारने पुन्हा एकदा पाकिस्तानवर डिजिटल स्ट्राइक सुरू केला आहे. IB मंत्रालयाने मंगळवारी 22 यूट्यूब चॅनेल ब्लॉक केले आहेत. त्यापैकी 4 पाकिस्तान आधारित यूट्यूब न्यूज चॅनेल आहेत. यामध्ये दुनिया मेरे आगे, गुलाम नबी मदनी, हकीकत टीव्ही, हकीकत टीव्ही 2.0 यांचा समावेश आहे. खोट्या बातम्या पसरवून भारतीयांची दिशाभूल करण्याच्या उद्देशाने हे सर्व नेटवर्क चालवले जात होते.digital strike 22 YouTube channels Blocked by Central Govt, accusing them of broadcasting anti-national content

वृत्तसंस्था

नवी दिल्ली : भारत सरकारने पुन्हा एकदा पाकिस्तानवर डिजिटल स्ट्राइक सुरू केला आहे. IB मंत्रालयाने मंगळवारी 22 यूट्यूब चॅनेल ब्लॉक केले आहेत. त्यापैकी 4 पाकिस्तान आधारित यूट्यूब न्यूज चॅनेल आहेत. यामध्ये दुनिया मेरे आगे, गुलाम नबी मदनी, हकीकत टीव्ही, हकीकत टीव्ही 2.0 यांचा समावेश आहे. खोट्या बातम्या पसरवून भारतीयांची दिशाभूल करण्याच्या उद्देशाने हे सर्व नेटवर्क चालवले जात होते.

याशिवाय 3 ट्विटर अकाऊंट, एक फेसबुक अकाऊंट आणि एक न्यूज वेबसाइटही ब्लॉक करण्यात आली आहे. या वाहिन्या भारताची सुरक्षा, सार्वजनिक सुव्यवस्था आणि परराष्ट्र संबंधांबाबत खोटा प्रचार करत असल्याचे मंत्रालयाने म्हटले आहे. IT नियम, 2021 अंतर्गत प्रथमच 18 भारतीय YouTube न्यूज चॅनेल ब्लॉक करण्यात आले आहेत.

माजी सैनिकांना मोदी सरकारची भेट, चार लाखांहून अधिक सेवा केंद्रांवर मिळू शकणार पेन्शन

भारतात ब्लॉक केलेल्या 18 यूट्यूब चॅनेलची यादी

1. ARP News
2. AOP News
3. LDC News
4. SarkariBabu
5. SS ZONE Hindi
6. Smart News
7. News23Hindi
8. Online Khabar
9. DP news
10. PKB News
11. KisanTak
12. Borana News
13. Sarkari News Update
14. Bharat Mausam
15. RJ ZONE 6
16. Exam Report
17. Digi Gurukul
18. दिनभरकीखबरें

फेब्रुवारीमध्ये 35 यूट्यूब चॅनेल केले होते ब्लॉक

याआधी फेब्रुवारीमध्ये सरकारने 35 यूट्यूब चॅनल, 2 ट्विटर अकाउंट, 2 इन्स्टाग्राम अकाउंट, 2 वेबसाइट आणि एक फेसबुक अकाउंट ब्लॉक केले होते. आयटी नियमांतर्गत ही कारवाई करण्यात आली आहे. ही सर्व खाती पाकिस्तानातून चालवली जात होती.

डिसेंबर २०२१ मध्ये २० यूट्यूब चॅनल ब्लॉक केले

गेल्या वर्षी डिसेंबरमध्ये माहिती आणि प्रसारण मंत्रालयाने गुप्तचर संस्थांच्या सहकार्याने 20 यूट्यूब चॅनेल आणि दोन वेबसाइट ब्लॉक करण्याचे आदेश दिले होते. कारण ते भारतविरोधी प्रचार आणि खोट्या बातम्या पसरवत होते. मंत्रालयाने डिसेंबरमध्ये एका निवेदनात म्हटले होते की हे YouTube चॅनेल आणि वेबसाइट्स पाकिस्तानमधून कार्यरत असलेल्या नेटवर्कशी जोडलेले आहेत.

ज्या वेबसाइट्स आणि चॅनेलवर बंदी घालण्यात आली होती त्या काश्मीर, भारतीय लष्कर, जनरल बिपिन रावत, राम मंदिर आणि भारतातील अल्पसंख्याक समुदायांबद्दल खोट्या बातम्या चालवत होते. कारवाईसोबतच केंद्र सरकारने या वाहिन्यांची यादीही जारी केली होती.