Delhi : दिल्ली 10 वर्षांपासून संकटात – ‘आप’विरोधात भाजपचे ‘आरोप पत्र’

By, Pravin Wankhade - December 23, 2024 04:44:30

0

अनुराग ठाकूर म्हणाले, पापं धुताधुता यमुना काळी झाली.

विशेष प्रतिनिधी

नवी दिल्ली : Delhi दिल्लीत विधानसभा निवडणुका होणार आहेत. निवडणुकीच्या वातावरणात भाजप आणि आम आदमी पक्ष एकमेकांवर आरोप करत आहेत. सोमवारी भाजपने दिल्लीत अरविंद केजरीवाल यांच्याविरोधात आरोपपत्र जारी केले. भाजप नेते अनुराग ठाकूर यांनी पुन्हा एकदा अरविंद केजरीवाल आणि आम आदमी पार्टीवर निशाणा साधला आहे. त्यांनी केजरीवाल यांना घेरून अनेक मुद्द्यांवर प्रश्न विचारले. दिल्लीत प्रदूषण ही सर्वात मोठी समस्या आहे Delhi

Chhagan Bhujbal अजितदादांनी भूमिका मांडल्यानंतरही भुजबळांनी पुन्हा काढले अजितदादांच्या राजकीय नियोजनाचे वाभाडे!!

दिल्लीतील भाजप खासदार अनुराग ठाकूर यांनी आरोपपत्र जारी केल्यानंतर सांगितले की, आम आदमी पक्षाच्या सरकारने यमुना नदी इतकी प्रदूषित केली आहे की ती दुर्गंधीयुक्त, फेसाळ आणि विषारी झाली आहे. ते पुढे म्हणाले की, मला आठवते, 2022 मध्ये पत्रकार परिषदेत केजरीवाल म्हणाले होते की, पुढच्या निवडणुकीपूर्वी ते लोकांसोबत यमुना नदीत स्नान करतील, म्हणजेच 2025 च्या निवडणुकीपूर्वी. केजरीवाल यांना त्यांच्या वचनाची आठवण करून देत अनुराग ठाकूर म्हणाले की, 10 वर्षे पूर्ण झाली आहेत आणि 2025 मध्ये फक्त 10 दिवस उरले आहेत. यमुना स्वच्छ झाली का? यमुना स्वच्छ झाली आहे का, एवढेच नाही तर अनेक प्रश्नही त्यांनी विचारले आहेत.

ते म्हणाले की, अरविंद केजरीवाल यांच्यासह दिल्ली सरकारचे अनेक मंत्री आणि डझनभर आमदार तुरुंगात गेले आहेत. सोनिया गांधी आणि शीला दीक्षित यांना तुरुंगात टाकण्याची भाषा करणारे केजरीवाल गंभीर आरोप होऊनही आपले पद सोडायला तयार नाहीत.