CM Atishi : पीएम मोदींच्या अमेरिका भेटीनंतर दिल्लीच्या मुख्यमंत्रिपदाचा निर्णय; CM आतिशी यांचा राजीनामा

By, Pravin Wankhade - February 10, 2025 11:00:08

0

वृत्तसंस्था

नवी दिल्ली : CM Atishi दिल्लीत भाजपला बहुमत मिळाल्यानंतर आता मुख्यमंत्रिपदाच्या निर्णयाबाबत चर्चा सुरू आहे. पंतप्रधान नरेंद्र मोदी अमेरिका दौऱ्यावरून परतल्यानंतर मुख्यमंत्र्यांचे नाव फायनल केले जाईल, असा दावा सूत्रांनी केला आहे. खरंतर, पंतप्रधान मोदी फ्रान्स-अमेरिकेच्या दौऱ्यावर जात आहेत. अशा परिस्थितीत, दिल्लीच्या मुख्यमंत्र्यांचा शपथविधी सोहळा त्यांच्या दौऱ्यानंतरच होईल. यामध्ये भाजपशासित राज्यांच्या मुख्यमंत्र्यांचाही समावेश असेल.CM Atishi

या मुद्द्यावर रविवारी गृहमंत्री अमित शहा यांनी भाजप नेत्यांसोबत बैठक घेतली. त्यात जेपी नड्डा आणि बैजयंत पांडा यांच्यासह अनेक मोठे नेते उपस्थित होते. दिल्ली भाजप अध्यक्ष वीरेंद्र सचदेवा यांनी उपराज्यपाल व्ही.के. सक्सेना यांना भेटण्यासाठी वेळ मागितला आहे.

पवारांच्या वर्चस्वाला बसली खीळ, हे तर खरे महाराष्ट्र केसरीच्या वादाचे मूळ!

मुख्यमंत्री आतिशी यांचा राजीनामा

दिल्ली निवडणुकीत कालकाजी मतदारसंघातून आतिशी यांनी भाजपच्या रमेश बिधुरी यांचा ३,५८० मतांनी पराभव केला.

आम आदमी पक्षाच्या नेत्या आतिशी यांनी मुख्यमंत्रीपदाचा राजीनामा दिला आहे. यानंतर, एलजी व्हीके सक्सेना यांनी विधानसभा बरखास्त केली आहे. दुसरीकडे, आप नेत्यांनी अरविंद केजरीवाल यांच्या घरी बैठक घेतली. यानंतर आतिशी म्हणाल्या- जनतेने आपच्या 22 आमदारांवर विश्वास ठेवला आहे आणि त्यांना विजयी केले आहे. आता त्यांची सेवा करणे आणि त्यांच्या समस्या सोडवणे ही आपली जबाबदारी आहे. विरोधी पक्षाची भूमिका बजावणे आणि भाजपला जबाबदार धरणे ही आपली जबाबदारी आहे.

दिल्ली निवडणुकीत, 70 पैकी 48 जागा जिंकून भाजप 26 वर्षांनी सत्तेत परतला आहे, तर काँग्रेसला एकही जागा जिंकता आली नाही.