देशातील सर्वात वयोवृद्ध खासदार शफीकुर रहमान बारक यांचे निधन

By, Pravin Wankhade - February 27, 2024 02:00:45

0

1996 मध्ये त्यांनी समाजवादी पक्षाच्या तिकिटावर पहिल्यांदा लोकसभा निवडणूक जिंकली.

विशेष प्रतिनिधी

नवी दिल्ली : समाजवादी पक्षाचे खासदार शफीकुर रहमान बर्क यांचे मंगळवारी निधन झाले. ते 94 वर्षांचे होते. खासदार बर्क हे गेल्या काही दिवसांपासून आजारी असल्याने त्यांना रुग्णालयात दाखल करण्यात आले होते. या महिन्याच्या सुरुवातीला प्रकृती खालावल्याने त्यांना मुरादाबाद येथील एका खासगी रुग्णालयात दाखल करण्यात आले होते, तेथे त्यांच्यावर उपचार सुरू होते. बर्क यांच्या निधनामुळे समाजवादी पक्षाच्या कार्यकर्त्यांमध्ये शोककळा पसरली आहे.Countrys oldest MP Shafiqur Rehman Barak passed away

समाजवादी पार्टी मुस्लिमांसाठी काम करत नाही खासदार बारक यांचा आरोप

शफीकुर रहमान बर्क यांचा जन्म 11 जुलै 1930 रोजी उत्तर प्रदेशातील संभल येथे झाला होता. समाजवादी पक्षाचे उमेदवार म्हणून लोकसभा निवडणूक जिंकून ते संसदेत पोहोचले. 1996 मध्ये त्यांनी समाजवादी पक्षाच्या तिकिटावर पहिल्यांदा लोकसभा निवडणूक जिंकली. त्याचवेळी त्यांनी 2014 मध्ये बसपकडून लोकसभा निवडणूक लढवली होती आणि जिंकली होती. बर्क चार वेळा आमदार आणि पाच वेळा खासदार राहिले आहेत.

नुकताच शफीकुर रहमान बर्क यांचा एक व्हिडिओ व्हायरल झाला होता. या व्हिडिओमध्ये ते संसद भवनासमोर भाजप खासदार हरनाथ सिंह यादव यांच्याशी बोलताना दिसत आहेत. या व्हिडिओमध्ये भाजप खासदार त्यांच्या तब्येतीची विचारपूस करताना दिसत आहेत.