Congress : काँग्रेसने विधानसभा निवडणुकीसाठी चौथी यादी केली जाहीर

By, Pravin Wankhade - October 28, 2024 01:00:14

0

सचिन सावंत यांचे तिकीट कापले; जाणून घ्या कोणाचा आहे समावेश?

विशेष प्रतिनिधी

मुंबई : Congress महाराष्ट्र विधानसभा निवडणुकीसाठी काँग्रेसने उमेदवारांची चौथी यादी जाहीर केली आहे. या यादीत काँग्रेसच्या 14 उमेदवारांची नावे आहेत. अंधेरी पश्चिममधून सचिन सावंत यांच्या जागी अशोक जाधव यांना तिकीट देण्यात आले आहे. या जागेवरून उमेदवारी न मिळाल्याने सचिन सावंत यांनी रविवारी सकाळी नाराजी व्यक्त करत स्थानिक व्यक्तीला तिकीट द्या, असे सांगितले होते.Congress

यापूर्वी काँग्रेसने शनिवारी रात्री तिसरी यादी जाहीर केली होती. यामध्ये 16 उमेदवारांची घोषणा करण्यात आली. शनिवारी सकाळी काँग्रेसने दुसरी यादी जाहीर केली, ज्यात 23 नावे होती. पक्षाने पहिल्या यादीत 48 नावे जाहीर केली होती. काँग्रेसने जाहीर केलेल्या चार याद्यांमध्ये आतापर्यंत 102 उमेदवारांची घोषणा करण्यात आली आहे.

Eknath Shinde Shiv Sena विधानसभा निवडणुकीसाठी एकनाथ शिंदेंच्या शिवसेनेची दुसरी यादी जाहीर!

त्याचवेळी महाराष्ट्र विधानसभा निवडणुकीसाठी शिवसेनेने (शिंदे गट) 20 उमेदवारांची दुसरी यादी जाहीर केली आहे. या यादीत अनेक बड्या नेत्यांची नावे आहेत. मिलिंद देवरा यांना वरळीतून उमेदवारी देण्यात आली आहे. उद्धव ठाकरे यांचा मुलगा आदित्य ठाकरे वरळीतून निवडणूक लढवत आहेत. आदित्य ठाकरे 2019 च्या विधानसभा निवडणुकीत वरळी मतदारसंघातून पहिल्यांदा आमदार म्हणून निवडून आले.

निलेश राणे कुडाळमधून शिंदे गटाच्या चिन्हावर निवडणूक लढवणार आहेत. कुडाळमध्ये राणेंचा सामना ठाकरे गटाचे आमदार वैभव नाईक यांच्याशी होणार आहे. अंधेरी पूर्व मतदारसंघातून मुरजी पटेल यांना उमेदवारी जाहीर करण्यात आली आहे. रिसोडमधून भावना गवळी यांना उमेदवारी जाहीर झाली आहे. पुरंदरमधून विजय शिवतारे यांना रिंगणात उतरवले आहे.