Chief Minister Yogi : महाकुंभमधील चेंगराचेंगरीनंतर मुख्यमंत्री योगी अपघातस्थळी पोहोचले!

By, Pravin Wankhade - February 1, 2025 05:30:43

0

अधिकारी आणि व्यवस्थापनास दिल्या आवश्यक सूचना

विशेष प्रतिनिधी

प्रयागराज : Chief Minister Yogi महाकुंभातील चेंगराचेंगरीनंतर उत्तर प्रदेशचे मुख्यमंत्री योगी आदित्यनाथ शनिवारी प्रयागराजला पोहोचले. अधिकाऱ्यांसह त्यांनी संगम तीरावर चेंगराचेंगरी झालेल्या ठिकाणाला भेट दिली. यावेळी त्यांना अधिकाऱ्यांकडून झालेल्या चेंगराचेंगरीचे कारण जाणून घेतले.Chief Minister Yogi

तत्पूर्वी, त्यांनी प्रयागराजच्या आसपासच्या जिल्ह्यांच्या सीमेवरील कोंडी आणि सुरक्षेचे हवाई सर्वेक्षण केले. योगींसोबत मंत्री नंद गोपाल गुप्ता आणि मेळा अधिकारी विजय किरण आनंद यांच्यासह अनेक अधिकारी उपस्थित आहेत. मुख्यमंत्री योगी आदित्यनाथ यांनी शनिवारी प्रयागराज येथे पोहोचून महाकुंभ शहरासह प्रयागराजचे हवाई सर्वेक्षण केले आणि रस्त्यांवरील गर्दीची परिस्थिती आणि मेळ्याच्या स्थितीचा आढावा घेतला. एका अधिकाऱ्याने ही माहिती दिली.

Amol Mitkari : अमोल मिटकरींची राज ठाकरेंवर टीका, अजितदादांप्रमाणे पहाटे कामाला लागा, स्वत:च्या मुलाच्या पराभवावर भाष्य करा

मुख्यमंत्र्यांनी शहरातील विविध मार्गांचे हवाई सर्वेक्षण करून जिल्ह्याचा आढावा घेतल्याचे अधिकाऱ्याने सांगितले. महाकुंभातील चेंगराचेंगरी आणि विरोधकांच्या आरोपांच्या पार्श्वभूमीवर मुख्यमंत्री योगी आदित्यनाथ शनिवारी प्रयागराजला भेट देत आहेत. महाकुंभातील चेंगराचेंगरीच्या तिसऱ्या दिवशी मुख्यमंत्री योगी प्रयागराजला पोहोचले. सर्वप्रथम तो संगम किनाऱ्यावर पोहोचले जिथे चेंगराचेंगरी झाली होती. कुंभमेळा अधिकारी विजय किरण आनंद यांना या घटनेचे कारण विचारण्यात आले. योगी तिथे सुमारे १० मिनिटे थांबले आणि अधिकाऱ्यांना प्रश्न विचारले.

उत्तर प्रदेशातील प्रयागराज येथे सुरू असलेल्या कुंभमेळ्यादरम्यान मौनी अमावस्येच्या रात्री १.३० वाजता एका घाटावर चेंगराचेंगरी झाली, ज्यामध्ये किमान ३० लोकांचा मृत्यू झाला, अशी माहिती आहे. या दुर्घटनेत अनेक लोक जखमीही झाले. महाकुंभ नगर मेळा क्षेत्राचे डीआयजी वैभव कृष्णा यांनी माध्यमांना सांगितले की, महाकुंभ चेंगराचेंगरीत ३० जणांचा मृत्यू झाला असून त्यापैकी २५ जणांची ओळख पटली आहे. जखमींवर रुग्णालयात उपचार सुरू आहेत.