कर्नाटकात भाजप युवा आघाडीच्या नेत्याची निर्घृण हत्या, मुख्यमंत्री बसवराज बोम्मई यांनी केला निषेध

By, Pravin Wankhade - July 27, 2022 02:00:28

0

वृत्तसंस्था

बंगळुरू : कर्नाटकातील दक्षिण कन्नड जिल्ह्यात मंगळवारी (26 जुलै) रात्री उशिरा झालेल्या प्राणघातक हल्ल्यामुळे परिसरात खळबळ उडाली आहे. कर्नाटकातील दक्षिण कन्नड जिल्ह्यात भाजप युवा शाखेच्या पदाधिकाऱ्याची हत्या करण्यात आली. त्यामुळे दक्षिण कन्नडमधील बल्लारी आणि पुत्तूर येथील भाजप कार्यकर्त्यांसह युवा मोर्चाच्या कार्यकर्त्यांमध्ये प्रचंड नाराजी होती.Chief Minister Basavaraj Bommai condemned brutal killing of BJP youth leader in Karnataka

कोरोनाने वाढवली चिंता : सलग दुसऱ्या दिवशी महाराष्ट्राचा पहिला नंबर, 3081 नवीन रुग्ण, कर्नाटकात मास्क गरजेचा

कर्नाटक: भाजपा युवा मोर्चा के कार्यकर्ता प्रवीण नेट्टारू की हत्या के विरोध में भाजपा कार्यकर्ताओं ने न्याय की मांग करते हुए नारे लगाए।

(वीडियो दक्षिण कन्नड़ में बल्लारी और पुत्तूर से है।) pic.twitter.com/nitnNU0cCs

— ANI_HindiNews (@AHindinews) July 26, 2022

भाजप युवा मोर्चाच्या नेत्याच्या मृत्यूमुळे कार्यकर्त्यांमध्ये संताप व्यक्त होत असतानाच कर्नाटकचे मुख्यमंत्री बसवराज बोम्मई यांनी ट्विट करून या निर्घृण हत्येचा निषेध केला असून दोषींना लवकरच अटक करण्यात येईल, असे सांगत कठोर कारवाईचे आश्वासन दिले आहे. मुख्यमंत्री बसवराज बोम्मई यांनी ट्विट करून पीडित कुटुंबातील सदस्यांप्रती तीव्र शोक व्यक्त केला आणि लवकरच न्याय मिळेल असे आश्वासन दिले.

पार्टी कार्यकर्ता प्रवीण नेट्टारू (Praveen Nettaru) की बर्बर हत्या के जघन्य कृत्य के अपराधियों को जल्द ही गिरफ्तार किया जाएगा और कानून के तहत दंडित किया जाएगा। प्रवीण की आत्मा को शांति मिले: कर्नाटक के मुख्यमंत्री बसवराज बोम्मई pic.twitter.com/LOSKmhyw4S

— ANI_HindiNews (@AHindinews) July 26, 2022

मुख्यमंत्री बोम्मई यांनी केला हत्येचा निषेध

बसवराज बोम्मई यांनी ट्विट करून लिहिले की, ‘दक्षिण कन्नड जिल्ह्यातील आमच्या पक्षाचे कार्यकर्ता प्रवीण नेत्तारू यांची निर्घृण हत्या निषेधार्ह आहे. असे घृणास्पद कृत्य करणाऱ्या आरोपींना लवकरच अटक करून कायद्यानुसार शिक्षा केली जाईल. प्रवीण यांच्या आत्म्यास शांती लाभो. ईश्वर त्यांच्या कुटुंबीयांना हे दुःख सहन करण्याची शक्ती देवो, ओम शांती.

दुचाकीस्वार अज्ञात हल्लेखोरांनी घेतला जीव

या प्राणघातक हल्ल्यात सुलिया येथे ठार झालेल्या भाजप युवा मोर्चाच्या नेत्याचे नाव प्रवीण नेतारू असून ते भाजप युवा मोर्चाचे जिल्हा सचिव होते. मिळालेल्या माहितीनुसार, दक्षिण कन्नड येथील बेल्लारे येथे मंगळवारी सायंकाळी उशिरा दुचाकीवरून आलेल्या अज्ञातांनी प्रवीण नेतारू यांच्यावर कुऱ्हाडीने वार करून त्यांची हत्या केली. सध्या बेल्लारे पोलिसांनी गुन्हा दाखल करून तपास सुरू केला आहे.