अखेरचा सॅल्यूट : सीडीएस बिपिन रावत पंचतत्त्वात विलीन, मोठ्या मुलीने दिला मुखाग्नि, लष्कराकडून १७ तोफांची सलामी

By, Sachin Deshmukh - December 10, 2021 05:17:22

0

सीडीएस बिपिन रावत यांच्यासह तामिळनाडू हेलिकॉप्टर अपघातात प्राण गमावलेल्या सर्व 13 जणांना आज अखेरचा निरोप देण्यात आला. जनरल बिपिन रावत यांचे पार्थिव त्यांच्या बेरार स्क्वेअर येथील निवासस्थानातून आणण्यात आले. येथे सीडीएस रावत यांच्या दोन्ही मुलींनी पूर्ण विधी करून अंत्यसंस्कार केले. मोठ्या मुलीने मुखाग्नि दिला. सीडीएस रावत यांना 17 तोफांची सलामी देण्यात आली. यावेळी येथे 800 सैनिक उपस्थित होते.CDS Bipin Rawat Last Rights Updates in Panchatattva, daughter lit the body, salute with 17 guns

वृत्तसंस्था

नवी दिल्ली : सीडीएस बिपिन रावत यांच्यासह तामिळनाडू हेलिकॉप्टर अपघातात प्राण गमावलेल्या सर्व 13 जणांना आज अखेरचा निरोप देण्यात आला. जनरल बिपिन रावत यांचे पार्थिव त्यांच्या बेरार स्क्वेअर येथील निवासस्थानातून आणण्यात आले. येथे सीडीएस रावत यांच्या दोन्ही मुलींनी पूर्ण विधी करून अंत्यसंस्कार केले. मोठ्या मुलीने मुखाग्नि दिला. सीडीएस रावत यांना 17 तोफांची सलामी देण्यात आली. यावेळी येथे 800 सैनिक उपस्थित होते.

तत्पूर्वी, जनरल बिपिन रावत यांचे पार्थिव शुक्रवारी बेस हॉस्पिटलमधून त्यांच्या निवासस्थानी आणण्यात आले. येथे सीजेआय रमण्णा, तिन्ही दलांचे प्रमुख, केंद्रीय गृहमंत्री अमित शहा, काँग्रेस नेते राहुल गांधी यांच्यासह सर्व नेत्यांनी त्यांना श्रद्धांजली वाहिली. सीडीएस बिपिन रावत आणि मधुलिका रावत यांच्या मुली कृतिका आणि तारिणी यांनी त्यांच्या पालकांना श्रद्धांजली वाहिली.

माणुसकीच सोडली, जनरल बिपिन रावत यांच्यावर टीका करत केरळच्या सरकारी वकील म्हणाल्या ते पवित्र नव्हते

#WATCH | Delhi: #CDSGeneralBipinRawat laid to final rest with full military honours, 17-gun salute. His last rites were performed along with his wife Madhulika Rawat, who too lost her life in #TamilNaduChopperCrash.

Their daughters Kritika and Tarini performed their last rites. pic.twitter.com/uTECZlIhI0

— ANI (@ANI) December 10, 2021

तिन्ही सैन्याच्या प्रमुखांनी सीडीएसना वाहिली श्रद्धांजली

CDS बिपिन रावत यांचे पार्थिव बेरार स्क्वेअरवर पोहोचले. CDS यांना श्रद्धांजली वाहण्यासाठी संरक्षण मंत्री राजनाथ सिंह बेरार स्क्वेअरवर पोहोचले. तिन्ही सैन्याच्या अध्यक्षांनी देशातील पहिल्या सीडीएसला श्रद्धांजली वाहिली. काही वेळात अंत्यसंस्कार पार पडले.

Delhi: #CDSGeneralBipinRawat laid to final rest with full military honours. His last rites were performed along with his wife Madhulika Rawat, who too lost her life in #TamilNaduChopperCrash.

Their daughters Kritika and Tarini performed their last rites. pic.twitter.com/ijQbEx9m51

— ANI (@ANI) December 10, 2021

संरक्षण मंत्री राजनाथ सिंह दुपारी ४ वाजता बिपिन रावत यांच्या अंतिम दर्शनासाठी बेरार स्क्वेअर स्मशानभूमीत पोहोचले. यादरम्यान त्यांच्यासोबत राष्ट्रीय सुरक्षा सल्लागार अजय भट्ट आणि तिन्ही लष्करप्रमुख होते. भूतानचे डेप्युटी चीफ ऑफ मिशनही अंतिम दर्शनासाठी पोहोचले. अंतिम निरोप देण्यासाठी अमेरिकन दूतावासाचे अधिकारीही पोहोचले होते. जनरल विक्रम सिंग, बांगलादेश लष्कराचे अधिकारीही तेथे हजर होते.