Bitcoin scam : बिटकॉइन घोटाळ्यात CBIची मोठी कारवाई ; देशभरात ६० हून अधिक ठिकाणी छापे

By, Pravin Wankhade - February 25, 2025 07:45:19

0

या स्कीम्समार्फत ३५० कोटी रुपयांपेक्षा जास्त किमतीचे व्यवहार झाल्याचे तपासात समोर

विशेष प्रतिनिधी

नवी दिल्ली : Bitcoin scam बिटकॉइन घोटाळ्याप्रकरणी केंद्रीय अन्वेषण विभागाने (सीबीआय) देशभरात ६० हून अधिक ठिकाणी छापे टाकले आहेत. दिल्ली-एनसीआर, बंगळुरू, चंदीगड, पुणे, कोल्हापूरसह अनेक राज्यांमध्ये हे छापे टाकण्यात आले. या कारवाईचा उद्देश बिटकॉइनच्या नावाखाली लोकांची फसवणूक करणाऱ्यांना पकडणे आहे.Bitcoin scam

बिटकॉइनमध्ये गुंतवणुकीवर जास्त परतावा देण्याचे आश्वासन देऊन काही लोक लोकांना फसवत असल्याचे सीबीआयला आढळून आले. ते सोशल मीडिया ग्रुप्सद्वारे त्यांच्या स्कीमचा प्रचार करत होते. या योजनांमध्ये, गुंतवणूकदारांकडून पैसे घेतले जात होते आणि ते क्रिप्टोकरन्सीमध्ये रूपांतरित केले जात होते, जेणेकरून पैशाचा स्रोत लपवता येईल. या स्कीममार्फत ३५० कोटी रुपयांपेक्षा जास्त किमतीचे व्यवहार झाल्याचे तपासात समोर आले.

नमो किसान सन्मान निधी योजनेंतर्गत ३००० रुपये वाढून देणार; मुख्यमंत्री देवेंद्र फडणवीसांची घोषणा!!

यापूर्वी, सीबीआयने दिल्ली, झारखंड, पंजाब, मध्य प्रदेश, गुजरात, तामिळनाडू आणि राजस्थानसह सात राज्यांमध्ये १० हून अधिक ठिकाणी छापे टाकले होते. या दरम्यान, ३४.२ लाख रुपये रोख, ३८,४१४ अमेरिकन डॉलर्स किमतीची क्रिप्टोकरन्सी, सात मोबाईल फोन, एक लॅपटॉप, तीन हार्ड डिस्क, १० पेन ड्राइव्ह आणि इतर डिजिटल पुरावे जप्त करण्यात आले.

त्यांनी फसवणूक कशी केली?

आरोपी सोशल मीडियावर पॉन्झी योजनांचा प्रचार करत असे. त्यांनी गुंतवणूकदारांना बिटकॉइनमध्ये गुंतवणूक केल्यावर उच्च परतावा देण्याचे आश्वासन दिले. गुंतवणूकदारांकडून मिळालेल्या पैशाचे क्रिप्टोकरन्सीमध्ये रूपांतर करून त्याचा स्रोत लपवण्यात आला. रिझर्व्ह बँक ऑफ इंडिया (RBI) सारख्या नियामक अधिकाऱ्यांच्या परवानगीशिवाय अशा प्रकारच्या क्रियाकलाप राबवल्या जात होत्या.