Tamil Nadu : तामिळनाडूत ५,८३२ कोटींच्या बेकायदेशीर खाणकाम प्रकरणात CBIची छापेमारी!

By, Pravin Wankhade - April 7, 2025 05:00:51

0

सात जणांविरुद्ध गुन्हा दाखल

विशेष प्रतिनिधी

चेन्नई : Tamil Nadu तामिळनाडूमधील ५,८३२ कोटी रुपयांच्या बेकायदेशीर खाण घोटाळ्याप्रकरणी अनेक ठिकाणी छापे टाकल्यानंतर एका दिवसानंतर, सीबीआयने या संदर्भात सात गुन्हे दाखल केले. सीबीआयने जारी केलेल्या एका प्रसिद्धीपत्रकात म्हटले आहे की, समुद्रातील वाळू खनिजांच्या बेकायदेशीर खाणकाम, वाहतूक आणि निर्यातीशी संबंधित एका प्रकरणात शनिवारी तामिळनाडूमध्ये १२ ठिकाणी छापे टाकण्यात आले.Tamil Nadu

Fellowship Program 2025-26 महाराष्ट्र शासनाचा मुख्यमंत्री फेलोशिप कार्यक्रम 2025-26 जाहीर

२००० ते २०१७ या काळात तामिळनाडूच्या तीन किनारी जिल्ह्यांमध्ये, तिरुनेलवेली, तुतीकोरिन आणि कन्याकुमारी येथे बेकायदेशीर खाणकामाशी संबंधित जनहित याचिकेवर मद्रास उच्च न्यायालयाच्या आदेशानुसार सीबीआयने ही कारवाई केली. १७ फेब्रुवारी २०२५ रोजीच्या मद्रास उच्च न्यायालयाच्या आदेशानुसार, २१ आरोपी आणि सहा कंपन्या, फर्म आणि अज्ञात अधिकाऱ्यांविरुद्ध ७ गुन्हे दाखल करण्यात आले आहेत.

असा आरोप आहे की आरोपी खाण कंपन्या, संचालक आणि भागीदारांनी अज्ञात सरकारी कर्मचारी आणि अज्ञात खासगी व्यक्तींसोबत गुन्हेगारी कट रचला आणि चोरी, फसवणूक केली आणि MMDR कायद्याच्या तरतुदींचे उल्लंघन केले.