युको बँकेच्या 62 ठिकाणांवर CBIचे छापे; IMPSच्या तब्बल 850 कोटींच्या घोटाळ्याचे प्रकरण

By, Pravin Wankhade - March 8, 2024 06:00:35

0

वृत्तसंस्था

नवी दिल्ली : केंद्रीय अन्वेषण ब्युरो म्हणजेच CBI ने देशभरातील UCO बँकेच्या जवळपास 62 ठिकाणी छापे टाकले आहेत. तपास यंत्रणेची ही कारवाई बँकेच्या इमिजिएट पेमेंट सर्व्हिस (IMPS) मधील 850 कोटी रुपयांच्या घोटाळ्याशी संबंधित आहे.CBI raids 62 locations of UCO Bank; 850 crore IMPS scam case

6 मार्च रोजी सीबीआयने राजस्थानमधील जोधपूर, जयपूर, जालोर, नागौर आणि बाडमेर आणि महाराष्ट्रातील पुणे येथे हे छापे टाकले. छाप्यादरम्यान, तपास यंत्रणेने यूसीओ आणि आयडीएफसीशी संबंधित 130 कागदपत्रे, 40 मोबाइल फोन, 2 हार्ड डिस्क आणि इंटरनेट डोंगल जप्त केले.

म्युकोरमायकोसिसपासून वाचण्यासाठी हे माहित करून घ्यायलाच हवे

एजन्सी या सर्व गोष्टींची फॉरेन्सिक तपासणी करेल. या काळात सीबीआयने घटनास्थळी तीस संशयितांची चौकशीही केली. या प्रकरणी सीबीआयने डिसेंबर 2023 मध्ये 13 ठिकाणी छापे टाकले होते.

काय आहे प्रकरण?

10 ते 11 नोव्हेंबर 2023 दरम्यान, 7 खाजगी बँकांच्या सुमारे 14,600 खात्यांमधून IMPS आवक व्यवहारांद्वारे UCO बँकेच्या 41,000 खातेदारांच्या खात्यांवर चुकीच्या पद्धतीने रक्कम पोस्ट करण्यात आली. त्यामुळे मूळ बँकेतून कपात न करता 850 कोटी रुपये युको बँकेच्या खात्यात जमा करण्यात आले.

या प्रकरणी युको बँकेने नोव्हेंबर 2023 मध्ये तक्रार दाखल केली होती. सीबीआयने आपल्या प्रसिद्धीपत्रकात म्हटले आहे की, अनेक खातेदारांनी वेगवेगळ्या व्यवहाराच्या माध्यमातून पैसे काढले.

2 कोटींचा घोटाळा 850 कोटींवर पोहोचला

यापूर्वी बँकेने 1.53 कोटी रुपयांची अनियमितता केल्याचा आरोप केला होता. त्यानंतर बँकेने NSE आणि BSE ला कळवले की बँकेत तांत्रिक बिघाड झाल्यामुळे ही चूक झाली. 16 नोव्हेंबर रोजी NSE आणि BSE ला लिहिलेल्या पत्रात, बँकेने खाती ब्लॉक करून 820 कोटी रुपयांपैकी 649 कोटी रुपये वसूल केले होते.

बँकांकडून कोट्यवधी रुपयांच्या गैरव्यवहारात सर्वाधिक अनियमितता ग्रामीण भागात आढळून आली. लोकांनी ई-मित्रांच्या माध्यमातून रातोरात खाती उघडली आणि नंतर लाखो रुपयांचे व्यवहार करून ते इतर खात्यांमध्ये ऑनलाइन जमा केले. आधी जयपूरच्या सायबर स्टेशन पोलिसांनी आणि आता सीबीआयने अशा खातेदारांची ओळख पटवली आणि आता त्यांच्या ठिकाणांवर छापे टाकून कागदपत्रे ताब्यात घेतली. UCO बँकेच्या ट्रान्झॅक्शन सिस्टम इमिजिएट पेमेंट सर्व्हिस (IMPS) मधील तांत्रिक बिघाडाचा फायदा घेत ‘ई-मित्र’ ऑपरेटर आणि बँक कर्मचाऱ्यांनी सुमारे 850 कोटी रुपये काढले.