महंत नरेंद्रगिरी यांच्या संशयास्पद मृत्युप्रकरणाचा तपास अखेर सीबीआयकडे

विशेष प्रतिनिधी

नवी दिल्ली – अखिल भारतीय आखाडा परिषदेचे अध्यक्ष महंत नरेंद्रगिरी यांच्या संशयास्पद मृत्यू प्रकरणाचा तपास केंद्रीय अन्वेषण विभागाकडे (सीबीआय) सोपविण्यात आला आहे.CBI enqiry in Mahant case

केंद्र सरकारने त्यासाठी मंजुरी दिल्यानंतर अधिसूचना जारी करण्यात आली. उत्तर प्रदेश सरकारतर्फे तशी विनंती करण्यात आली होती. मुख्यमंत्री योगी आदित्यनाथ यांनी तशी सूचना केली होती.

अखिल भारतीय आखाडा परिषदेचे अध्यक्ष महंत नरेंद्रगिरी महाराज यांची आत्महत्या

बाघम्बरी मठात सोमवारी नरेंद्रगिरी यांचा मृतदेह लटकलेल्या अवस्थेत आढळून आला होता. उत्तर प्रदेश पोलिसांनी दुसऱ्या दिवशी १८ सदस्यांचे विशेष तपास पथक तयार केले होते. मात्र विरोधी पक्षांनी या घटनेची सीबीआय चौकशी करण्याची मागणी केली होती.

गेले तीन दिवस साऱ्या राज्यात या प्रकरणावरून उलट सुलट चर्चा सुरु होती. अखेर राज्य सरकारने महंत नरेंद्रगिरी यांच्या संशयास्पद मृत्यू प्रकरणाचा तपास सीबीआयकडे सोपविला आहे.