पुण्यातील निर्बंध ऑक्टोबरपासून शिथिल; पालकमंत्री अजित पवार यांचे कोरोना आढावा घेतल्यावर संकेत

By, Sachin Deshmukh - September 25, 2021 08:45:14

0

वृत्तसंस्था

पुणे : पुण्यात कोरोनाचे निर्बंध आणखी शिथिल होण्याची शक्यता निर्माण झाली आहे. याबाबतचे संकेत खुद्द अजित पवार यांनी दिले आहेत.Restrictions in Pune relaxed from October; Guardian Minister Ajit Pawar’s Hint after corona review

कोरोनाच्या दुसऱ्या लाटेचा सामना सुरू असताना लसीकरण वेगाने होत आहे. त्यामुळे या संकटावर नियंत्रण मिळण्याचा विश्वास वाढत आहे. रुग्णसंख्या आटोक्यात येत आहे. या पार्श्वभूमीवर आता पुण्यात निर्बंध अजून शिथिल होण्याची शक्यता निर्माण झाली आहे.

गणेश विसर्जनानिमित्त रविवारी पुण्यातील सर्व दुकाने बंद; अजित पवार यांची माहिती

पुण्याचे पालकमंत्री आणि राज्याचे उपमुख्यमंत्री अजित पवार यांनी याचे संकेत दिले आहेत. पुणे शहर, ग्रामीण आणि पिंपरी-चिंचवडमधील करोनाच्या परिस्थितीचा आढावा घेतल्यानंतर पत्रकारांशी बोलताना त्यांनी याबाबत माहिती दिली.राज्य सरकारने ४ ऑक्टोबरला राज्यातील शाळा सुरू करण्याचा निर्णय जाहीर केला आहे.

या निर्णयाविषयी अजित पवार म्हणाले. “ऑनलाईन शाळा घेतल्यामुळे खूप मर्यादा येत होत्या. शेवटी शाळेतले वातावरण, मुलांनी एकत्र बसणे हा अनुभव महत्त्वाचा असतो. त्यासाठी शाळा सुरू करण्याचा निर्णय झालेला आहे.”

१ ऑक्टोबरला महत्त्वपूर्ण बैठक

“पुणे जिल्हा, शहर आणि पिंपरी चिंचवडची परिस्थिती बरी आहे. काही महत्त्वाच्या निर्णयांबाबत १ ऑक्टोबरला बैठक होईल नियमांमध्ये शिथिलता देता येईल, याबाबत आमदार, खासदार, अधिकारी मिळून निर्णय घेणार आहोत”, असे ते म्हणाले.

स्विमिंग पूलच्या नियमात शिथिलता

“स्विमिंग पूलबाबत आपण खेळाडूंना परवानगी दिली होती. आता दोन्ही डोस झालेल्या सामान्य नागरिकांनाही परवानगी देण्यात आली आहे,असे पवार म्हणाले.