"पूर्वी केजरीवाल फक्त अप्रामाणिक होते, आता ते...", भाजपाने लगावला टोला! BJP spokesperson Gaurav Bhatia criticizes Aam Aadmi Party chief Kejriwal

“पूर्वी केजरीवाल फक्त अप्रामाणिक होते, आता ते…”, भाजपाने लगावला टोला!

जाणून घ्या, भाजपा प्रवक्ते गौरव भाटिया यांनी काय म्हटले आहे.

विशेष प्रतिनिधी

नवी दिल्ली : आम आदमी पक्ष आणि भारतीय जनता पक्ष यांच्यात अनेकदा जोरदार वाद होत असतो. विरोधी पक्षावर अनेकदा हल्लाबोल करण्यासाठी ओळखले जाणारे भाजपाचे प्रवक्ते गौरव भाटिया यांनी आपचे प्रमुख अरविंद केजरीवाल यांच्यावर निशाणा साधत, अनेक प्रश्न विचारले आहेत. तसेच, भाटिया यांनी केजरीवाल यांना अप्रामाणिक व्यक्तीही म्हटले आहे. BJP spokesperson Gaurav Bhatia criticizes Aam Aadmi Party chief Kejriwal

भाजपचे प्रवक्ते गौरव भाटिया म्हणाले की, यापूर्वी आम्ही आम आदमी पार्टीच्या प्रमुखांना केवळ अप्रामाणिक आणि बेजबाबदार म्हणत होतो, परंतु काल सर्वोच्च न्यायालयाने दिलेल्या काही टिप्पण्यांच्या आधारे ते लोकविरोधी आणि फसवणूक करणारेही आहेत, याचा अंदाज लावता येतो.

कुणी म्हटले “कलंक”, कुणी दाखवली शवपेटी; संसदेच्या उद्घाटनाची विरोधकांना पोटदुखी!!

यानंतर, रिजनल रॅपिड ट्रान्सपोर्ट सिस्टम (RRTS) बद्दल बोलताना गौरव भाटिया म्हणाले की RRTS हा एक कॉरिडॉर आहे जो दिल्ली आणि मेरठ दरम्यान बनवला जात आहे, ज्याचे अंतर 82 किमी असेल. उत्तर प्रदेश आणि दिल्लीच्या लोकांना दिल्लीहून मेरठला पोहोचण्यासाठी फक्त 1 तास लागेल. 17 किलोमीटर लांबीच्या या कॉरिडॉरच्या पहिल्या टप्प्याचे उद्घाटनही पंतप्रधान नरेंद्र मोदी यांनी केले होते.