राजस्थानमधील तीन मंदिरे पाडल्याने भाजप आक्रमक

By, Vishal Joshi - April 22, 2022 03:40:50

0

विशेष प्रतिनिधी

जयपूर : अलवरच्या राजगडमधील तीन मंदिरे पाडल्याची घटना समोर आली आहे. यानंतर भाजपने काँग्रेस सरकारवर हल्लाबोल केला आहे. भाजपच्या आयटी सेलचे प्रमुख अमित मालवीय यांनी याप्रकरणी काँग्रेसला घेरले आहे. करौली आणि जहांगीरपुरी येथे अश्रू ढाळणे आणि हिंदूंच्या श्रद्धेला ठेच पोहोचवणे, हीच काँग्रेसची धर्मनिरपेक्षता असल्याचे ते म्हणाले. BJP is aggressive after demolishing three temples in Rajasthan

मीडिया रिपोर्ट्सनुसार, अलवरच्या राजगडमधील तीन मंदिरांवर बुलडोझर चालवण्यात आला आहे. त्यामुळे सुमारे ३०० वर्षे जुन्या शिवमंदिरातील मूर्तींची दुरवस्था झाली आहे. मंदिर विध्वंसाचे व्हिडिओ आणि फोटो सोशल मीडियावर व्हायरल होत आहेत.

कर्नाटकात मशीद फोडून बाहेर आले मंदिराचे अवशेष; मशिदीच्या डागडुजीवेळी घटना उघड

१७ एप्रिल रोजी राजगडचे शिवमंदिर पाडण्यात आल्याचे सांगण्यात येत आहे. मास्टर प्लॅन अंतर्गत शहरातील गोल सर्कल ते जत्रेच्या चौकाचौकात अडथळा ठरणारी दुकाने व घरे पाडण्यासाठी बुलडोझर चालवण्यात आला. या क्रमाने प्रशासनाचे पथक बुलडोझरसह मंदिरापर्यंत पोहोचले, मंदिराला अतिक्रमण म्हणत त्यांनी मंदिराचा घुमट तोडला. यानंतर कटरच्या सहाय्याने शिवलिंग कापण्यात आले. यादरम्यान हनुमानजीसह इतर देवी-देवतांच्या मूर्तींची मोडतोड करण्यात आली आहे.

काँग्रेस आमदारासह तिघांविरुद्ध तक्रार, ब्रजभूमी कल्याण परिषदेने काँग्रेस आमदार आणि तीन अधिकाऱ्यांवर तीन मंदिरे पाडल्याचा आरोप केला आहे. त्यानंतर त्यांनी राजगडचे काँग्रेस आमदार जोहरीलाल मीना, एसडीएम आणि पालिकेचे सीआयओ यांच्याविरोधात राजगड पोलीस ठाण्यात तक्रार दाखल केली.