बिहार विधानपरिषदेत आता भाजपा बनला सर्वात मोठा पक्ष!

By, Sachin Sutar - April 7, 2023 11:39:39

0

वरिष्ठ सभागृहात सर्वात मोठा पक्ष झाल्याचा आनंद भाजपा नेत्यांनी व्यक्त केला आहे.

विशेष प्रतिनिधी

पाटणा : बिहार विधान परिषदेत भाजपा आता सर्वात मोठा पक्ष ठरला आहे. ७५ सदस्यांच्या या सभागृहात भाजपाच्या जागा वाढून २४ झाल्या आहेत, तर जेडीयूच्या जागा २४ वरून २३ वर आल्या आहेत. गुरुवारी सकाळी आलेल्या पाच जागांसाठीच्या विधान परिषदेच्या निवडणुकीच्या निकालात भाजपाने एक जागा वाचवली आणि एक जागा जिंकली. BJP has now become the largest party in Bihar Legislative Council

गया शिक्षक आणि पदवीधर मतदारसंघात भाजपाने दोन जागा जिंकल्या. त्याचवेळी कोसी आणि सारण पदवीधर मतदारसंघात महाआघाडीचा विजय झाला. दुसरीकडे सारण शिक्षक मतदारसंघाच्या जागेवर अपक्ष उमेदवार विजयी झाला. येथे त्यांनी सीपीआयच्या उमेदवाराचा पराभव केला.

ज्या पाच जागांवर निवडणूक झाली त्यापैकी महाआघाडीने दोन जागा राखल्या. तर एक जागा भाजपाच्या तर दुसरी अपक्षांच्या हाती गेली. दुसरीकडे भाजपाने एक जागा राखली आणि जनता दल युनायटेडची दुसरी जागा जिंकून तीही आपल्या खात्यात जमा केली.

‘’भारतात कोट्यवधी लोकांना मोफत रेशनचा लाभ, तर पाकिस्तानमध्ये प्रत्येक दाण्यासाठी लोकांचा संघर्ष सुरू’’ मुख्यमंत्री योगींनी सांगितले वास्तव!

वरच्या सभागृहात सर्वात मोठा पक्ष झाल्याचा आनंद भाजपा नेत्यांनी व्यक्त केला आहे. महाआघाडीत एकूण सात पक्षांचा समावेश आहे, त्यापैकी सीपीआय, सीपीआय (एमएल) आणि सीपीआय(एम) नितीश कुमार सरकारला बाहेरून पाठिंबा देत आहेत.