Bimal Patel Profile : कोण आहेत नव्या संसद भवनाचे शिल्पकार बिमल पटेल? किती पैसे घेतले? जाणून घ्या, कोणत्या प्रकल्पांवर केले काम!|Bimal Patel Profile : Who is Bimal Patel, architect of new parliament building? How much money did you take? Find out what projects have been worked on!

Bimal Patel Profile : कोण आहेत नव्या संसद भवनाचे शिल्पकार बिमल पटेल? किती पैसे घेतले? जाणून घ्या, कोणत्या प्रकल्पांवर केले काम!

विशेष प्रतिनिधी

नवी दिल्ली : पंतप्रधान नरेंद्र मोदी यांनी नव्या संसदेचे उद्घाटन केले. ही नवीन संसद 971 कोटी रुपये खर्चून बांधली गेली आहे, ज्याचे क्षेत्रफळ 64,500 चौरस मीटर आहे. या नवीन इमारतीचे बांधकाम टाटा प्रोजेक्ट्स लिमिटेड कंपनीने पूर्ण केले आहे. त्याचबरोबर गुजरातचे प्रसिद्ध वास्तुविशारद बिमल पटेल हे या इमारतीचे शिल्पकार केले आहेत. बिमल पटेल यांचे पूर्ण नाव बिमल हसमुख पटेल असे आहे.Bimal Patel Profile : Who is Bimal Patel, architect of new parliament building? How much money did you take? Find out what projects have been worked on!

बिमल हे देशातील प्रसिद्ध वास्तुविशारद आहेत. पटेल यांना वास्तुविशारद क्षेत्रातील तीन दशकांहून अधिक अनुभव आहे. बिमल पटेल यांच्या वास्तुविशारद फर्म एचसीपी डिझाईनने नवीन संसद भवनाची रचना आणि निर्मिती केली आहे. बिमल पटेल यांना त्यांच्या कार्यासाठी अनेकवेळा सन्मानित करण्यात आले आहे. पटेल यांना 2019 मध्ये पद्मश्री पुरस्काराने सन्मानित करण्यात आले.

पंतप्रधान मोदींनी संसदेत स्थापित केलेल्या राजदंडाच्या 5 ऐतिहासिक रोचक बाबी

कोण आहेत बिमल पटेल?

बिमल पटेल यांचा जन्म 31 ऑगस्ट 1961 रोजी गुजरातमध्ये झाला. पटेल यांनी सेंट झेवियर्स स्कूलमधून शिक्षण घेतले. बिमल यांना लहानपणापासूनच शास्त्रज्ञ व्हायचे होते, पण शाळेतील शिक्षकाने त्यांना सामाजिक आणि राष्ट्रीय विकासाचा विचार करण्याची प्रेरणा दिली. पटेल यांचे वडील हसमुख पटेल हे देखील आर्किटेक्ट होते. या कारणास्तव, त्यांनी 12 व्या वर्गात आर्किटेक्चर निवडले आणि सीईपीटी विद्यापीठाच्या प्रवेश परीक्षेतही अव्वल ठरले. पटेल यांनी आर्किटेक्चरमध्ये पदविका पूर्ण केल्यानंतर आर्किटेक्चरमध्ये पदव्युत्तर शिक्षण पूर्ण केले.

पटेल यांनी कॅलिफोर्निया विद्यापीठ, बर्कले येथून सिटी प्लॅनिंगमध्ये मास्टर्स आणि सिटी अँड रीजनल प्लॅनिंगमध्ये पीएचडी केली आहे. बिमल पटेल यांचे वडील हसमुख सी पटेल हे सुप्रसिद्ध आर्किटेक्ट होते. त्यांनी 1960 मध्ये एचसीपी डिझाइन प्लॅनिंग अँड मॅनेजमेंट प्रायव्हेट लिमिटेडची स्थापना केली. बिमल यांच्या वडिलांचे 2018 मध्ये निधन झाले, परंतु त्यांनी स्थापन केलेल्या कंपनीला नवीन संसद भवन आणि कर्तव्य पथ प्रकल्पाचे काम देण्यात आले. बिमल पटेल हे या कंपनीचे अध्यक्ष आणि एमडी आहेत. बिमल पटेल यांच्या फर्मला नवीन संसदेसह अनेक महत्त्वाकांक्षी प्रकल्प आणि सल्लागार सेवांसाठी 229.75 कोटी रुपये दिले जातील.

संसद भवनाची रचना करण्यासोबतच बिमल पटेल यांनी देशातील अनेक महत्त्वाच्या प्रकल्पांवर काम केले आहे.

पटेल यांनी डिझाइन केलेले प्रकल्प