Kapil Mishra : दिल्ली दंगलीप्रकरणी कपिल मिश्रा यांना मोठा धक्का

By, Pravin Wankhade - April 1, 2025 09:30:50

0

राऊस अव्हेन्यू कोर्टाने एफआयआर नोंदवण्याचे आदेश दिले

विशेष प्रतिनिधी

नवी दिल्ली : Kapil Mishra ईशान्य दिल्ली दंगली प्रकरणात, दिल्ली सरकारचे मंत्री आणि भाजपचे ज्येष्ठ नेते कपिल मिश्रा यांना राऊस अव्हेन्यू कोर्टाकडून मोठा झटका बसला आहे. कपिल मिश्रा यांच्याविरुद्ध चौकशीचे आदेश न्यायालयाने दिले आहेत. २०२० मध्ये ईशान्य दिल्लीत झालेल्या जातीय दंगलींमध्ये कपिल मिश्रा यांच्या कथित भूमिकेची चौकशी करण्यासाठी न्यायालयाने एफआयआर नोंदवण्याचे आदेश दिले आहेत.Kapil Mishra

वृत्तसंस्था एएनआयनुसार, ‘ईशान्य दिल्लीतील दंगलीतील कथित भूमिकेसंदर्भात दिल्लीचे कायदा मंत्री कपिल मिश्रा यांच्याविरुद्ध राऊस अव्हेन्यू कोर्टाने पुढील चौकशीचे आदेश दिले आहेत. मिश्रा यांच्याविरुद्ध एफआयआर नोंदवण्याची याचिका न्यायालयाने स्वीकारली आहे. न्यायालयाने म्हटले की, दिल्ली पोलिसांनी सादर केलेल्या कागदपत्रांच्या आधारे, त्याची उपस्थिती कर्दमपुरी परिसरात होती आणि एक दखलपात्र गुन्हा आढळून आला आहे ज्याची चौकशी करणे आवश्यक आहे.

Chief Minister : मुख्यमंत्री सहाय्यता निधी कक्षाचे उपकार आयुष्यभर विसरणार नाही, चिमुकल्याच्या आईचे कृतज्ञ बाेल

दरम्यान, अतिरिक्त न्यायदंडाधिकारी वैभव चौरसिया यांनी सांगितले की, दंगल प्रकरणात चौकशी आवश्यक आहे. न्यायालयाने म्हटले की, कथित गुन्ह्याच्या वेळी कपिल मिश्रा त्या परिसरात उपस्थित होते हे स्पष्ट आहे. या प्रकरणात पुढील तपास आवश्यक आहे. ऑगस्ट २०२४ मध्ये यमुना विहारचे रहिवासी मोहम्मद इलियास यांनी एफआयआर नोंदवण्याची मागणी करणाऱ्या याचिकेवर मॅजिस्ट्रेट युक्तिवाद ऐकत होते. ईशान्य दिल्लीतील दंगलींमध्ये कपिल मिश्रा यांचा कोणताही सहभाग नव्हता, असा दावा करत दिल्ली पोलिसांनी याचिकेला विरोध केला.