Pocket Ventilator : कोरोना महामारीच्या काळात रुग्णांची ऑक्सिजन पातळी कमी असणे ही एक मोठी समस्या आहे आणि व्हेंटिलेटरमुळे ऑक्सिजनची पातळी राखण्यास मदत होते. परंतु या महामारीच्या काळात अनेक ठिकाणी व्हेंटिलेटरची कमतरता भासली. यावर पश्चिम बंगालच्या हावडा जिल्ह्यातील डॉ. रामेंद्रलाल मुखर्जी यांनी ‘पॉकेट व्हेंटीलेटर’ शोधून काढले आहे. हे छोटे व्हेंटिलेटर कोरोना रुग्णांसाठी उपयुक्त ठरू शकते. Bengal doctor Ramendra Lal Mukherjee invents pocket ventilator, weighing only 250 grams, know about features
विशेष प्रतिनिधी
नवी दिल्ली : कोरोना महामारीच्या काळात रुग्णांची ऑक्सिजन पातळी कमी असणे ही एक मोठी समस्या आहे आणि व्हेंटिलेटरमुळे ऑक्सिजनची पातळी राखण्यास मदत होते. परंतु या महामारीच्या काळात अनेक ठिकाणी व्हेंटिलेटरची कमतरता भासली. यावर पश्चिम बंगालच्या हावडा जिल्ह्यातील डॉ. रामेंद्रलाल मुखर्जी यांनी ‘पॉकेट व्हेंटीलेटर’ शोधून काढले आहे. हे छोटे व्हेंटिलेटर कोरोना रुग्णांसाठी उपयुक्त ठरू शकते.
काही दिवसांपूर्वी स्वत: डॉ. रामेंद्रलाल मुखर्जी आणि त्यांचा मुलगा, जे आयआयटी कानपूरचे विद्यार्थी आहेत, यांना कोरोनाची लागण झाली. एका चॅनलशी बोलताना ते म्हणाले की, त्यांचे ऑक्सिजन पातळी 85 वर पोहोचली होती. त्या वेळी त्यांना कोविड रुग्णांना व्हेंटिलेटरची आवश्यकता समजली. रुग्णांना गंभीर परिस्थितीत रुग्णालयात दाखल करण्याची वेळ येऊ नये यासाठी त्यांनी यावर उपाय शोधण्यास सुरुवात केली. स्वत: बरे झाल्यावर त्यांनी व्हेंटिलेटर बनवण्याचे प्रयत्न सुरू केले. सलग 20 दिवस परिश्रम घेऊन त्यांनी हे पॉकेट व्हेंटिलेटर बनवले.
या पॉकेट व्हेंटिलेटरचे वजन केवळ 250 ग्रॅम आहे. एकदा पूर्णपणे चार्ज झाले की ते 8 तास कार्य करू शकते आणि साध्या मोबाइल चार्जरनेही ते चार्ज करता येते. या संपूर्ण डिव्हाइसचे दोन भाग आहेत. एक म्हणजे पॉवर युनिट, दुसरे माऊथपीस. समोरचा भाग मुळात व्हेंटिलेटर युनिट असतो, जेव्हा हे डिव्हाइस चालू केले जाते तेव्हा व्हेंटिलेटर अल्ट्रा-व्हायलेट चेंबरमधून हवा शुद्ध करते आणि ते फुप्फुसांना पाठवते. दरम्यान, जर सूक्ष्मजंतू राहिल्यास, अल्ट्रा व्हायोलेट चेंबर हवा जात असताना ते मरतात. त्याचप्रमाणे जेव्हा रुग्ण श्वासोच्छ्वास घेतो तेव्हाही सूक्ष्मजंतू अल्ट्राव्हायोलेट चेंबरमधून मरतात. डॉ. रामेंद्रलाल मुखर्जी यांचा असा विश्वास आहे की, या व्हेंटिलेटरचा वापर हॉस्पिटलमध्ये वापरल्या जाणार्‍या सीपीएपी किंवा कंटिन्युअस पॉझिटिव्ह एअरवे प्रेशर मशीनचा पर्याय म्हणून केला जाऊ शकतो.
Bengal doctor Ramendra Lal Mukherjee invents pocket ventilator, weighing only 250 grams, know about features
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App