देशभर बँका ४ दिवस बंद राहणार

By, Sachin Deshmukh - March 26, 2022 09:15:12

0

विशेष प्रतिनिधी

नवी दिल्ली : बँकांच्या खासगीकरणासह अन्य सरकारी निर्णयांच्या निषेधार्थ विविध कर्मचारी संघटनांच्या संपामुळे शनिवारपासून पुढील चार दिवस देशभरातील बँका बंद राहणार आहेत. विविध कर्मचारी संघटनांनी २८ ते २९ मार्च असा दोन दिवसांचा संप पुकारला आहे. त्याचबरोबर चौथा शनिवार असल्याने २६ आणि २७ तारखेला रविवार असल्याने बँका बंद राहणार आहेत. Banks will be closed for 4 days

या संपामुळे देशभरातील बँकिंग सेवा प्रभावित होऊ शकतात. एसबीआयने म्हटले आहे की, बँक युनियनच्या संपामुळे २८ मार्च आणि २९ मार्च रोजी बँकांमधील कामकाजावर परिणाम होईल. एसबीआयने एका निवेदनात म्हटले आहे की, या काळात ग्राहकांना कोणत्याही प्रकारची समस्या येऊ नये यासाठी आम्ही सर्वतोपरी प्रयत्न करू. दोन दिवसीय संपाची घोषणा ऑल इंडिया बँक एम्प्लॉईज असोसिएशनसारख्या संघटनांनी केली आहे. एप्रिलमध्ये सुट्ट्यांमुळे १५ दिवस बँका बंद राहणार आहेत.

राज्यातील बँका राहणार सलग चार दिवस बंद; दोन दिवस सुट्टीचे दोन दिवस कर्मचाऱ्यांच्या संपाचे

आरबीआयचे पेमेंट सिस्टम फ्रेमवर्कचे निरीक्षण

आरबीआयने पेमेंट सिस्टमसाठी फ्रेमवर्क जारी केले. हा टच पॉइंट असेल, जो पेमेंट इन्फ्रा उपलब्धतेचे योग्यरित्या निरीक्षण करेल. यामध्ये क्यूआर कोडसह पॉइंट ऑफ सेलचाही समावेश असेल. डिजिटल पेमेंट प्रणाली सर्व नागरिकांपर्यंत पोहोचवण्याचे काम आरबीआयने केले आहे. ते पूर्ण करण्यासाठी पायाभूत सुविधा मजबूत कराव्या लागतील.