Atishi Marlena दिल्लीत दोन्ही बाजूंनी महिला राज्य; रेखा गुप्ताविरुद्ध आतिशी मार्लेना सामन्यासाठी विधानसभा सज्ज!!

विशेष प्रतिनिधी

नवी दिल्ली : दिल्लीत दोन्ही बाजूंनी महिला राज्य रेखा गुप्ताविरुद्ध आतिशी सामन्यासाठी विधानसभा सज्ज!!, असे राजकारण दिल्लीत घडले आहे. Atishi Marlena

दिल्लीत विधानसभा निवडणूक जिंकल्यानंतर भाजप मुख्यमंत्री पदावरच्या सगळ्या मोठ्या पुरुष दावेदारांना बाजूला काढून रेखा गुप्ता यांच्या रूपाने दिल्लीला चौथी महिला मुख्यमंत्री दिली. रेखा गुप्ता यांची राजवट सुरू झाली. त्यांच्या आधी आम आदमी पार्टीच्या नेत्या आतिशी मार्लेना या दिल्लीच्या मुख्यमंत्रीपदावर होत्या.

Aadhaar card : आधार कार्डावरील पत्त्याच्या आधारे रुग्णांना मुंबईतील सरकारी रुग्णलयात सेवा पुरवावी – मनसे

पण आम आदमी पार्टी पराभूत झाल्यानंतर त्यांना सत्तेवरून पायउतार व्हावे लागले, पण त्या दिल्ली विधानसभेची निवडणूक झाडू चिन्हावरच जिंकल्या. त्यामुळे आम आदमी पार्टीने आता दिल्ली विधानसभेतले विरोधी पक्ष नेते पद आतिशी मार्लेना यांना द्यायचे ठरविले. त्यानुसार त्यांची विरोधी पक्ष नेते पदावर निवड देखील झाली. त्यामुळे दिल्लीमध्ये आता रेखा गुप्ताविरुद्ध आतिशी मार्लेना असा सामना विधानसभेत रंगणार आहे.

मुख्यमंत्रीपदी महिला आणि विरोधी पक्षनेते पदावर देखील महिलाच असा इतिहास आणि वर्तमान पहिल्यांदाच देशात घडले आहे. दिल्लीत खऱ्या अर्थाने दोन्ही बाजूंनी महिलांचे राज्य सुरू झाले आहे.