पंजाबमध्ये रणजितसागर धरणाजवळ ध्रुव हेलिकॉप्टर कोसळले, वैमानिक बेपत्ता|Army helicopter crashed in Punjab

पंजाबमध्ये रणजितसागर धरणाजवळ ध्रुव हेलिकॉप्टर कोसळले, वैमानिक बेपत्ता

पठाणकोट – पठाणकोटपासून तीस किलोमीटर अंतरावर असलेल्या रणजित सागर धरणाजवळ लष्कराचे प्रशिक्षणार्थी ध्रुव हेलिकॉप्टर कोसळले. अपघातग्रस्त हेलिकॉप्टरमधील वैमानिक आणि सह वैमानिकाचा शोध सुरू आहे. Army helicopter crashed in Punjab

ध्रुव हेलिकॉप्टर कोसळण्याची गेल्या सहा महिन्यात दुसरी घटना आहे. या हेलिकॉप्टरची निर्मिती भारतात झाली असून ते हिंदुस्थान एरोनॉटिक्स लिमिटेडच्या हलक्या वजनाच्या हेलिकॉप्टर प्रकल्पातंर्गत तयार करण्यात आले.

आप पंजाबमध्ये स्वबळावरच लढणार, कोणत्याही राजकीय पक्षाशी युती करणार नाही

लष्कराच्या हवाई तुकडीतील ध्रुव हेलिकॉप्टरने वैमानिकांना कमी उंचीवर उडण्याचे प्रशिक्षण दिले जात होते. मामून कॅन्टोन्मेंट येथून सकाळी १०.२० वाजता हेलिकॉप्टरने उड्डाण केले. रणजित सागर धरणावरून हेलिकॉप्टर कमी उंचीवरून जात असताना अचानक हेलकावे खात कोसळले.

अपघातग्रस्त हेलिकॉप्टरचे काही अवशेष सापडले असून वैमानिक आणि सह वैमानिकाचा शोध घेतला जात आहे. यासाठी एनडीआरएफ आणि पोलिसांचे बचाव पथक युद्धपातळीवर काम करत आहे. रणजित सागर धरणाची खोली अधिक असल्याने हेलिकॉप्टरच्या ठिकाणांचा शोध घेण्यास अडचणी येत आहेत.