विमानात पुन्हा लघुशंका कांड : न्यूयॉर्क-दिल्ली फ्लाइटमधील घटना, मद्यधुंद प्रवाशाचा प्रताप, दोन महिन्यांत दुसरी केस|Another scandal on a plane: New York-Delhi flight incident, drunken passenger's brat, second case in two months

विमानात पुन्हा लघुशंका कांड : न्यूयॉर्क-दिल्ली फ्लाइटमधील घटना, मद्यधुंद प्रवाशाचा प्रताप, दोन महिन्यांत दुसरी केस

वृत्तसंस्था

नवी दिल्ली : अमेरिकन एअरलाइन्सच्या फ्लाइटमध्ये एका मद्यधुंद भारतीयाने दुसऱ्या प्रवाशाला लघुशंका केली. AA292 हे विमान न्यूयॉर्कहून दिल्लीला येत होते. अमेरिकन एअरलाइन्सच्या या विमानात दोन महिन्यांत लघुशंका होण्याची ही दुसरी घटना आहे. यापूर्वी 3 मार्च रोजी याच फ्लाइटमध्ये एका मद्यधुंद भारतीय प्रवाशाने एका अमेरिकन प्रवाशावर लघुशंका केली होती.Another scandal on a plane: New York-Delhi flight incident, drunken passenger’s brat, second case in two months

पीटीआयने अधिकृत सूत्रांच्या हवाल्याने सांगितले की, मद्यधुंद प्रवासी आणि त्याचा सहप्रवासी यांच्यात काही मुद्द्यावरून वाद झाला होता. त्यानंतर आरोपीने त्याच्यावर लघुशंका केली. विमान कंपन्यांनी लँडिंगपूर्वी दिल्ली विमानतळाला ही बाब कळवली.

दिल्लीहून दोहाला निघालेल्या इंडिगो विमानात प्रवाशाचा मृत्यू, कराचीत विमानाचे आपत्कालीन लँडिंग

रविवारी रात्री 9 च्या सुमारास विमान इंदिरा गांधी आंतरराष्ट्रीय (IGI) विमानतळावर उतरल्यानंतर CISF ने आरोपीला ताब्यात घेतले. सूत्रांनी सांगितले की, पीडित प्रवाशाने रीतसर तक्रार दाखल केली आहे. त्यानंतर दोघांनाही दिल्ली पोलिसांच्या ताब्यात देण्यात आले.

यापूर्वीही घडल्या अशा घटना

मद्यधुंद प्रवाशांकडून विमानात असभ्य वर्तनाची ही पहिलीच घटना नाही. यापूर्वीही गेल्या वर्षी 26 नोव्हेंबरला एअर इंडियाच्या न्यूयॉर्क-दिल्ली फ्लाइटमध्ये एका मद्यधुंद व्यक्तीने 70 वर्षीय महिला प्रवाशावर लघुशंका केली होती.

तसेच 6 डिसेंबर 2022 रोजी एअर इंडियाच्या पॅरिस-नवी दिल्ली फ्लाइटमधील एका प्रवाशाने रिकाम्या सीटवर आणि महिला सहप्रवाशाच्या आसनावर आणि ब्लँकेटवर कथितपणे लघुशंका केली होती.